പ്രശസ്ത നടന്‍ കമല്‍ ഹാസനെ വെടിവെച്ചു കൊല്ലുമെന്ന് അഖില ഭാരതീയ ഹിന്ദു മഹാസഭ നാഷണല്‍ വൈസ് പ്രസിഡണ്ട് അശോക് ശര്‍മ പറഞ്ഞതായി ടൈം ഓഫ് ഇന്ത്യ റിപ്പോര്‍ട്ട് ചെയ്തു. ഹിന്ദു ഭീകരവാദവുമായി ബന്ധപ്പെട്ട് കമല്‍ ഹാസന്‍ ഒരു പ്രതിവാര മാസികയില്‍ എഴുതിരുന്നു ഇതിനെതിരെ പ്രതികരിക്കവെയാണ് കമല്‍ ഹാസന്‍ വെടിവെച്ചു കൊല്ലപ്പെടുമെന്ന് അശോക് ശര്‍മ.
ഹിന്ദു വിശ്വാസത്തേയും അതിനായി നിലകൊള്ളുന്നവരേയും ചോദ്യം ചെയ്യാന്‍ ഇന്ത്യയില്‍ ആര്‍ക്കും അവകാശമില്ല. അത്തരം പ്രവര്‍ത്തിയില്‍ ഏര്‍പ്പെടുന്ന കമല്‍ ഹാസനും അതുപോലെയുള്ളരും ഈ വിശുദ്ധമണ്ണില്‍ ജീവിക്കാന്‍ അര്‍ഹരല്ല. ഇത്തരം നീജ പ്രവര്‍ത്തിയില്‍ ഏര്‍പ്പെടുന്നവരെ അവരുടെ പ്രവര്‍ത്തനത്തിനു ഫലമായി വെടിവെച്ചോ തൂക്കിലേറ്റിയോ കൊല്ലും അശോക് പറഞ്ഞു.
കഴിഞ്ഞ ദിവസം രാജ്യത്ത് ഹിന്ദു ഭീകരവാദമുണ്ടെന്നും ഇക്കാലത്ത് അത് അക്രമങ്ങളില്‍ മാത്രമാണ് ഏര്‍പ്പെടുന്നതെന്നും നടന്‍ കമല്‍ ഹാസന്‍ ആനന്ദ വികടന പ്രതിവാര മാസികയില്‍ എഴുതിയിരുന്നു. എന്നാല്‍ ഈ നടപടി ബി.ജെ.പി നേതാക്കളെ ചൊടിപ്പിച്ചിരുന്നു.