ന്യൂഡല്‍ഹി: ഡല്‍ഹിയിലെ ബിബിസി ഓഫീസിന് മുന്നില്‍ പ്രതിഷേധവുമായി ഹിന്ദുസേന. പ്രതിഷേധത്തെതുടര്‍ന്ന് കസ്തൂര്‍ബാ ഗാന്ധി റോഡിലെ ബിബിസി ഓഫീസിന് പുറത്ത് സുരക്ഷ ശക്തമാക്കി. ഹിന്ദുക്കളെ അവഹേളിക്കുന്നതിനാല്‍ ബിബിസി നിരോധിക്കണമെന്നാണ് പ്രതിഷേധക്കാരുടെ ആവശ്യം.
രണ്ടുദിവസമായി ബിബിസിയുടെ മുംബൈ,ഡല്‍ഹി ഓഫീസുകളില്‍ ആദായ നികുതി വകുപ്പിന്റെ റെയ്ഡ് തുടരുകയാണ്. ഇതിനിടയിലാണ് ബിബിസിയുടെ ഡല്‍ഹി ഓഫീസിന് മുന്നില്‍ ഒരു സംഘം ഹിന്ദു സേന അംഗങ്ങള്‍ പ്രതിഷേധിച്ചത്. ഇതിനെ തുടര്‍ന്ന് ന്യൂഡല്‍ഹി കസ്തൂര്‍ബാ ഗാന്ധി റോഡിലെ ബിബിസി ഓഫീസിന് പുറത്ത് സുരക്ഷ ശക്തമാക്കി.
‘ബിബിസി ഇന്ത്യ വിടണം’ എന്ന മുദ്രാവാക്യവുമായാണ് ഹിന്ദുസേന പ്രതിഷേധവുമായി എത്തിയത്. പ്രതിഷേധക്കാരുടെ പക്കല്‍നിന്ന് നിരവധി ബാനറുകളും പ്ലക്കാര്‍ഡുകളും പൊലീസ് പിടിച്ചെടുത്തു.