മലപ്പുറത്ത് പ്രായപൂര്ത്തിയാകാത്ത ഭാര്യയെ ഗര്ഭിണിയാക്കിയ കേസില് ഭര്ത്താവ് അറസ്റ്റില്. സംഭവത്തില് പ്രതിയായ 29കാരനെ പെരിന്തല്മണ്ണ ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി ഈ മാസം 21വരെ റിമാന്ഡ് ചെയ്തു. ഗര്ഭിണിയായ പെണ്കുട്ടി പ്ലസ്വണ്ണിന് പഠിക്കുമ്പോഴാണ് ഇയാളുമായി പ്രണയത്തിലാവുന്നത്.
കഴിഞ്ഞ വര്ഷം ഒക്ടോബറിലാണ് 17കാരിയെ യുവാവ് സ്വന്തം വീട്ടിലേക്ക് കൂട്ടികൊണ്ടുവന്നത്. പെണ്കുട്ടിക്ക് പ്രായപൂര്ത്തിയായതോടെ ഇരുവരും തമ്മില് വിവാഹം കഴിച്ചു. എന്നാല്, ഈ സമയം പെണ്കുട്ടി അഞ്ചുമാസം ഗര്ഭിണിയായിരുന്നുവെന്ന് പെരിന്തല്മണ്ണ ശിശു വികസന പദ്ധതി ഓഫീസര് കെ. റംലത്ത് പൊലീസില് പരാതി നല്കിയതോടെയാണ് യുവാവ് പിടിയിലായത്.