ഹിമാചല്‍പ്രദേശില്‍ 39 സീറ്റില്‍ ലീഡ് ചെയ്ത് കോണ്‍ഗ്രസ്. ബിജെപി 26 സീറ്റിലും വിമതന്മാര്‍ രണ്ട് സീറ്റിലും ലീഡ് ചെയ്യുന്നു.
പ്രവചനാതീതമായ മുന്നേറ്റമായിരുന്നു ഹിമാചല്‍പ്രദേശില്‍ വോട്ടെണ്ണി തുടങ്ങുന്നത് മുതല്‍ കണ്ടത്. കോണ്‍ഗ്രസും ബിജെപിയും ഇഞ്ചോടിഞ്ച് പോരാട്ടം കാഴ്ചവയ്ക്കുന്ന രീതിയിലായിരുന്നു പോരാട്ടം. പ്രിയങ്ക ഗാന്ധിയുടെ നേതൃത്വത്തിലായിരുന്നു കോണ്‍ഗ്രസിന്റെ പ്രചരണ പരിപാടികള്‍ ഹിമാചലില്‍ പുരോഗമിച്ചിരുന്നത്. പുതിയ പെന്‍ഷന്‍ പദ്ധതി, തൊഴിലില്ലായ്മ, ആപ്പിള്‍ കര്‍ഷകരുടെ പ്രശ്‌നങ്ങള്‍ തുടങ്ങിയവയായിരുന്നു പ്രധാനമായും കോണ്‍ഗ്രസ് പ്രചരണത്തിനു മുന്നോട്ടുവെച്ചിരുന്നത്.