ഇന്ത്യന്‍ ക്രിക്കറ്റ് താരം ഹാര്‍ദിക് പാണ്ഡ്യയും ഭാര്യ നടാഷ സ്റ്റാങ്കോവിച്ചും ചുംബിക്കുന്ന ചിത്രം നീക്കം ചെയ്ത് ഇന്‍സ്റ്റഗ്രാം. തങ്ങളുടെ കമ്മ്യൂണിറ്റി സ്റ്റാന്റേര്‍ഡിന് യോജിക്കാത്തതിനാല്‍ ചിത്രം റിമൂവ് ചെയ്യുന്നുവെന്നാണ് ഇന്‍സ്റ്റഗ്രാം നടാഷയെ അറിയിച്ചത്. തെറ്റായ സന്ദേശം നല്‍കുന്നതിനാലാണ് ചിത്രം ഒഴിവാക്കുന്നുവെന്നും വിശദീകരണത്തിലുണ്ട്. എന്നാല്‍ ചിത്രം റിമൂവ് ചെയ്യപ്പെട്ടതില്‍ തന്റെ അതൃപ്തി നടാഷ മറച്ചുവെച്ചില്ല. ഇന്‍സ്റ്റഗ്രാം സ്‌റ്റോറിയില്‍ തനിക്കുള്ള അതൃപ്തി അവ!ര്‍ പോസ്റ്റ് ചെയ്യുകയും ചെയ്തു.
ലോക്ക് ഡൗണിനിടെയാണ് ഇരുവരുടെയും വിവാഹം നടന്നത്. ജൂലൈ 30ന് ഇവര്‍ക്ക് ഒരു ആണ്‍കുഞ്ഞ് പിറക്കുകയും ചെയ്തു. ഐപിഎല്‍ മത്സരങ്ങള്‍ക്കായുള്ള പരിശീലനം ആരംഭിച്ചിരിക്കുകയാണ് ഹാര്‍ദിക് പാണ്ഡ്യ. ഇതിനായി താരം വീട്ടില്‍ നിന്ന് പോയതോടെ മിസ് ചെയ്യുന്നുണ്ടെന്ന് പറഞ്ഞ് നടാഷ ഒരു പുതിയ ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. നടാഷയുടെ കവിളില്‍ പാണ്ഡ്യ ചുംബിക്കുന്ന ചിത്രമാണ് പോസ്റ്റ് ചെയ്തത്. ചിത്രം പോസ്റ്റ് ചെയ്ത് ഒരു മണിക്കൂറിനകം തന്നെ ഇന്‍സ്റ്റഗ്രാം ഇത് റിമൂവ് ചെയ്യുകയായിരുന്നു. എന്നാല്‍ അങ്ങനെ വിട്ടുകൊടുക്കാന്‍ നടാഷ തയ്യാറായില്ല.
ഇന്‍സ്റ്റഗ്രാം റിമൂവ് ചെയ്ത അതേ ചിത്രം തന്നെ നടാഷ വീണ്ടും പോസ്റ്റ് ചെയ്യുകയായിരുന്നു. ഇത്തവണ ക്യാപ്ഷന്‍ ഇല്ലാതെയാണ് ചിത്രം പങ്കുവെച്ചത്. ഇത് വരെ രണ്ടാമത് പോസ്റ്റ് ചെയ്ത ചിത്രം ഇന്‍സ്റ്റഗ്രാം റിമൂവ് ചെയ്തിട്ടില്ല. ചിത്രത്തിന് താഴെ ഹാര്‍ദിക് പാണ്ഡ്യയും കമന്റ് ചെയ്തിട്ടുണ്ട്. ഇന്‍സ്റ്റഗ്രാമില്‍ വളരെ സജീവമാണ് പാണ്ഡ്യയും നടാഷയും. ചിത്രം റിമൂവ് ചെയ്യപ്പെട്ടത് ഏതായാലും ഇരുവര്‍ക്കും രസകരമായ അനുഭവമായിരിക്കുകയാണ്.