ദേശീയ പതാകയെ പരിഹസിച്ച് കേന്ദ്ര ആഭ്യന്തര മന്ത്രി അമിത് ഷായുടെ മകനും ബി.സി.സി.ഐ സെക്രട്ടറിയുമായ ജയ് ഷാ. ഏഷ്യാകപ്പില്‍ പാകിസ്താനെ തോല്‍പ്പിച്ച ഇന്ത്യന്‍ ക്രിക്കറ്റ് ടീമിന്റെ വിജയം ആഘോഷിക്കുമ്പോഴാണ് സംഭവം.
ഹര്‍ദിക് പാണ്ഡ്യ സിക്സറടിച്ച് ഇന്ത്യയെ ജയിപ്പിച്ചപ്പോഴാണ് സ്റ്റേഡിയത്തില്‍ കൂടെയുണ്ടായിരുന്ന ഒരാള്‍ ജയ് ഷാക്ക് നേരെ പതാക നീട്ടിയത്. എന്നാല്‍ ഇത് വാങ്ങാന്‍ അദ്ദേഹം വിസമ്മതിച്ചു. എന്റെ പപ്പാ എന്റെ കൂടെയുണ്ട്. ത്രിവര്‍ണക്കൊടി നിങ്ങള്‍ വെച്ചോളൂ എന്ന് ട്വീറ്റ് ചെയ്താണ് കോണ്‍ഗ്രസ് നേതാവ് ജയറാം രമേശ് ഈ സംഭവത്തോട് പ്രതികരിച്ചത്. ജയ് ഷാക്കെതിരെ രൂക്ഷ വിമര്‍ശനവുമായി നിരവധി കോണ്‍ഗ്രസ് നേതാക്കളാണ് രംഗത്തെത്തിയത്.