തൊടുപുഴയിൽ പശുക്കൾ കൂട്ടത്തോടെ ചത്ത കുട്ടികർഷകൻ മാത്യു ബെന്നിക്കും കുടുംബത്തിനും കൈത്താങ്ങായി നടൻ ജയറാം. മാത്യുവിന്റെ കുടുംബത്തെ ജയറാം സന്ദർശിക്കും. കുടുംബത്തിന് അഞ്ച് ലക്ഷം രൂപ ധനസഹായവും നടൻ നൽകും. തന്റെ പുതിയ സിനിമയുടെ ട്രെയിലർ ലോഞ്ചിനു വേണ്ടി മാറ്റിവെച്ച തുകയാണ് താരം കുടുംബത്തിന് നൽകുക.
ജയറാമിനെ നായകനാക്കി മിഥുൻ മാനുവൽ തോമസ് സംവിധാനം ചെയ്യുന്ന അബ്രഹാം ഓസ്‌ലര്‍ എന്ന ചിത്രത്തിന്റെ അണിയറ പ്രവർത്തകരാണ് സഹായവാഗ്ദാനവുമായി രംഗത്തുള്ളത്. നാലിനു നടത്താനിരുന്ന ചിത്രത്തിന്റ ട്രെയ്‌ലര്‍ ലോഞ്ചിങ് പരിപാടി വേണ്ടെന്നുവച്ച് അതിനായി മാറ്റിവച്ച 5 ലക്ഷം രൂപ മാത്യുവിന്റെ കുടുംബത്തിന് കൈമാറാനാണ് തീരുമാനം. ജയറാം ഇന്ന് നേരിട്ട് തൊടുപുഴയിലെത്തി തുക കൈമാറും.