കളമശേരി ബോംബ് സ്‌ഫോടനത്തില്‍ പരിക്കേറ്റ് ചികിത്സയില്‍ കഴിയുന്ന 3 പേരുടെ നില അതീവ ഗുരുതരമായി തുടരുന്നു. 20 പേരാണ് നിലവില്‍ പരിക്കേറ്റ് ചികിത്സയിലുള്ളത്. ഇതില്‍ 16 പേര്‍ തീവ്രപരിചരണ വിഭാഗത്തിലാണ് കഴിയുന്നത്.
നാലുപേര്‍ വാര്‍ഡുകളിലുമാണ്. ഇതില്‍ 10% പൊള്ളലേറ്റ 14 വയസുള്ള കുട്ടിയെ ഇന്ന് ഐസിയുവില്‍ നിന്ന് വാര്‍ഡിലേക്കു മാറ്റി. കളമശേരി ഗവ. മെഡിക്കല്‍ കോളേജില്‍ ചികിത്സയിലുള്ള ഒരു രോഗിയെ സ്‌കിന്‍ ഗ്രാഫ്റ്റിങ്ങിനു വേണ്ടി കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റിയിട്ടുണ്ട്.