തിരുവനന്തപുരം: കേരളത്തിലെ പത്രപ്രവര്‍ത്തകരുടെ അംഗീകൃത യൂണിയന്‍ ആയ കേരള വര്‍ക്കിങ് ജേണലിസ്റ്റ് യൂണിയന്‍ (കെ.യു.ഡബ്ല്യു.ജെ) സംസ്ഥാന
പ്രസിഡണ്ടായി ചന്ദ്രിക ചീഫ് ന്യൂസ് എഡിറ്റര്‍ കമാല്‍ വരദൂറിനെ തെരഞ്ഞെടുത്തു. തെരഞ്ഞെടുപ്പില്‍ നിലവിലെ പ്രസിഡണ്ട് അബ്ദുല്‍ ഗഫൂറിനെ (മാധ്യമം) 283 വോട്ടുകള്‍ക്ക് തോല്‍പ്പിച്ചാണ് കമാല്‍ വിജയിച്ചത്. സെക്രട്ടറി സ്ഥാനത്തേക്ക് സി. നാരായണന്‍ വിജയിച്ചു.
ഈ മാസം 22-നായിരുന്നു കെ.യു.ഡബ്ല്യു.ജെയുടെ പുതിയ ഭാരവാഹികളെ കണ്ടെത്തുന്നതിനുള്ള തെരഞ്ഞെടുപ്പ്. കമാലിന് 1389 വോട്ടുകള്‍ ലഭിച്ചപ്പോള്‍ അബ്ദുല്‍ ഗഫൂറിന് 1106 വോട്ട് ലഭിച്ചു.
കാലിക്കറ്റ് പ്രസ് ക്ലബ്ബ് പ്രസിഡണ്ടായി തുടര്‍ച്ചയായി രണ്ടുതവണ തെരഞ്ഞെടുക്കപ്പെട്ട കമാല്‍ വരദൂര്‍ ഒളിംപിക്‌സ്, ഫുട്‌ബോള്‍ ലോകകപ്പ്, ഏഷ്യാഡ് തുടങ്ങിയവ റിപ്പോര്‍ട്ട് ചെയ്തിട്ടുണ്ട്.
ഭാര്യ സാജിത. മക്കള്‍: അതുല്‍ കമാല്‍, അമല്‍ കമാല്‍, അംന കമാല്‍.