കണ്ണൂരിലും നീലേശ്വരത്തുമായി മൂന്ന് തീവണ്ടികൾക്കുനേരേ കല്ലേറ് ; ജനൽ ചില്ലുകൾ തകർന്നു.

കണ്ണൂരിലും നീലേശ്വരത്തുമായി മൂന്ന് തീവണ്ടികൾക്കുനേരേ ഇന്നലെ രാത്രി ഉണ്ടായ കല്ലേറുണ്ടായി.കല്ലേറിൽ രണ്ട് തീവണ്ടികളുടെ എ.സി. കോച്ചിൻ്റെ ജനൽ ചില്ലുകൾ തകർന്നു.തിരുവനന്തപുരം-ലേകമാന്യ തിലക് നേത്രാവതി എക്സ്പ്രസിന് നേരേ കണ്ണൂരിനും വളപട്ടണത്തിനും ഇടയിലാണ് കല്ലേറുണ്ടായത്. കണ്ണൂരിനും കണ്ണൂർ സൗത്തിനും ഇടയിൽ വെച്ച് മംഗ്ളൂരു- ചെന്നൈ സൂപ്പർ ഫാസ്റ്റിനാണ് രണ്ടാമത്തെ കല്ലേറുണ്ടായത്.ഓഖ-എറണാകുളം എക്സ്പ്രസിന് നേരെ നീലേശ്വരം സ്റ്റേഷൻ എത്തുംമുൻപും കല്ലേറുണ്ടായി.ആർക്കും പരിക്കേറ്റതായി റിപ്പോർട്ടില്ലെന്ന് റയിൽവേ അധികൃതർ പറഞ്ഞു.സംഭവത്തെ കുറിച്ച് റെയിൽവെ അന്വേഷണം ആരംഭിച്ചു.