‘കർണ്ണാടക സ്റ്റോറി’യിൽ കാലിടറി ബി.ജെ.പി ; കോൺഗ്രസ് അധികാരത്തിലേക്ക്

ബിജെപി യുടെ വിഭാഗീയ രാഷ്ട്രീയത്തിന് തിരിച്ചടി നൽകി കർണ്ണാടക. തെരഞ്ഞെടുപ്പ് ഫലങ്ങളിൽ കോൺഗ്രസ് വ്യക്തമായ മുന്നേറ്റം തുടരുമ്പോൾ മോദി മാജിക്കിനേറ്റ തിരിച്ചടിയിൽ ഞെട്ടിയിരിക്കുകയാണ് ബി.ജെ.പി നേതൃത്വം. വിജയ പ്രതീക്ഷയിൽ ഡൽഹിയിൽ കോൺഗ്രസ് ആസ്ഥാനത്തടക്കം പ്രവർത്തകർ വിജയാഹ്ളാദത്തിലാണ്. ഇതുവരെ വന്ന ഫലങ്ങൾ പ്രകാരം കോൺഗ്രസ് 128 സീറ്റിൽ ലീഡ് നിലനിർത്തുന്നു. ബിജെപി യുടെ ലീഡ് 70 തിലും താഴെ പോയിരിക്കുന്നു.67 സീറ്റിൽ മാത്രമാണ് ബിജെപി ലീഡ് ചെയ്യുന്നത്. വിലപേശൽ രാഷ്ട്രീയം പയറ്റാമെന്ന് മോഹിച്ച ജെ.ഡി.എസിനും ഫലങ്ങൾ തിരിച്ചടിയാണ്.22 സീറ്റിലാണ് ജെഡിഎസ് ലീഡ് ചെയ്യുന്നത്.