കേരള അറബിക് ടീച്ചേഴ്സ് ഫെഡറേഷൻ – കെ എ ടി എഫ് – 66 മത് സംസ്ഥാന സമ്മേളനം സംസ്കാരം, പൈതൃകം, മതേതരത്വം എന്ന പ്രമേയത്തിൽ 2024 ഫെബ്രുവരി 5, 6,7 തിയ്യതികളിൽ തിരുവനന്തപുരത്ത് വച്ച് നടക്കുകയാണ്. സമ്മേളനത്തോടനുബന്ധിച്ച് തിരഞ്ഞെടുത്ത ലോഗോ ഇന്ത്യൻ യൂണിയൻ മുസ്ലിം ലീഗ് മലപ്പുറം ജില്ലാ പ്രസിഡണ്ട് പാണക്കാട് സയ്യിദ് അബ്ബാസ് അലി ശിഹാബ് തങ്ങൾ പ്രകാശനം ചെയ്തു.
അസ്ഹറുദ്ദീൻ തിരുവട്ടൂർ കണ്ണൂർ ഡിസൈൻ ചെയ്ത ലോഗോയാണ് തിരഞ്ഞെടുത്തത്. കെ എ ടി എഫ് സംസ്ഥാന പ്രസിഡണ്ട് ടിപി അബ്ദുൽ ഹഖ്, സംസ്ഥാന സീനിയർ വൈസ് പ്രസിഡണ്ട് എംടി സൈനുൽ ആബിദീൻ, ഭാരവാഹികളായ സി എച്ച് ഫാറൂഖ്, കെ നൂറുൽ അമീൻ, നൗഷാദ് കോപ്പിലാൻ, ടി സി അബ്ദുൽ ലത്തീഫ്, എം ടി എ നാസർ, ഫസൽ മലപ്പുറം എന്നിവർ ചടങ്ങിൽ സംബന്ധിച്ചു.
വളരെ കാലിക പ്രാധാന്യമുള്ള പ്രമേയത്തോട് കൂടെ കെ എ ടി എഫ് നടത്തുന്ന സമ്മേളനം പൊതുസമൂഹത്തിലേക്ക് എത്തിക്കണമെന്ന് അബ്ബാസ് അലി തങ്ങൾ പ്രസ്താവിച്ചു.