കോഴിക്കോട് മെഡിക്കല്‍ കോളേജിലെ സെമിനാറില്‍ വിഷപ്പാമ്പുകളെ പ്രദര്‍ശിപ്പിച്ചെന്ന പരാതിയില്‍ വാവ സുരേഷിനെതിരെ വനം വകുപ്പ് കേസെടുത്തു.
ഡി.ഫ്.ഒ യുടെ നിര്‍ദ്ദേശപ്രകാരം താമരശ്ശേരി റേഞ്ച് ഓഫീസറാണ് കേസെടുത്തത്. പാമ്പുകളെ പ്രദര്‍ശിപ്പിക്കല്‍,പീഡിപ്പിക്കല്‍ എന്നീ വകുപ്പുകള്‍ പ്രകാരമാണ് കേസ്.കോഴിക്കോട് മെഡിക്കല്‍ കോളേജ് ക്ലിനിക്കല്‍ നഴ്‌സിംഗ് എജുക്കേഷനും നഴ്‌സിംഗ് സര്‍വീസ് ഡിപ്പാര്‍ട്ട്‌മെന്റ് സംയുക്തമായി സംഘടിപ്പിച്ച പരിപാടിയിലാണ് കേസിന് ആസ്പദമായ സംഭവം ഉണ്ടായത്.
പരിപാടിക്കിടെ മൈക്ക് തകരാറിലായപ്പോള്‍ മൈക്കിന് പകരം പാമ്പിനെ ഉപയോഗിച്ചത് പരിപാടിയില്‍ പങ്കെടുത്തവര്‍ സോഷ്യല്‍ മീഡിയയില്‍ കുറിച്ചിരുന്നു. അശാസ്ത്രീയമായ രീതിയില്‍ പാമ്പുകളുടെ കൈകാര്യം ചെയ്യുന്ന ഇദ്ദേഹത്തിനെതിരെ നേരത്തെയും ഗുരുതരമായ വിമര്‍ശനവും ആക്ഷേപങ്ങളും വന്നിരുന്നു.