കൊല്ലം കിളികൊല്ലൂരില്‍ പോലീസ് മര്‍ദ്ദനമേറ്റ സൈനികനും സഹോദരനും എതിരായ എഫ് ഐ ആര്‍ റദ്ദാക്കാന്‍ ആവില്ലെന്ന് ഹൈക്കോടതി. അന്വേഷണം പൂര്‍ത്തിയായതിന് ശേഷം മാത്രമേ എഫ്്.ഐ.ആര്‍ റദ്ദാക്കുന്ന കാര്യം പരിഗണിക്കുമെന്നും കോടതി വ്യക്തമാക്കി.
അതേസമയം പോലീസ് സംരക്ഷണം വേണമെന്ന യുവാക്കളുടെ ആവശ്യം കോടതി തള്ളി. പോലീസ് അതിക്രമത്തിന് ഇരയായ സൈനികന്‍ വിഷ്ണുവും സഹോദരനും നല്‍കിയ ഹര്‍ജിയിലാണ് കോടതിവിധി.
മൂന്നാഴ്ചക്ക് ശേഷം കേസ് വീണ്ടും പരിഗണിക്കും.കിളികൊല്ലൂര്‍ പോലീസ് കൊലപാതക ശ്രമം ഉള്‍പ്പടെ ചുമത്തിയാണ് സഹോദരങ്ങള്‍ക്കെതിരെ എഫ്ഐആര് രജിസ്റ്റര്‍ ചെയ്തത്.