ന്യൂഡല്‍ഹി: പ്ലസ് വണ്‍ പരീക്ഷ സെപ്റ്റംബറില്‍ നടത്തുമെന്ന് കേരളം സുപ്രീം കോടതിയെ അറിയിക്കും. സെപ്റ്റംബര്‍ ആറ് മുതല്‍ പതിനാറ് വരെയാണ് സംസ്ഥാനത്ത് പ്ലസ് വണ്‍ പരീക്ഷ നടക്കുക.
പരീക്ഷ റദ്ദാക്കിയാല്‍ കുട്ടികളുടെ ഭാവിയെ ബാധിക്കുന്നതിനാല്‍ കോവിഡ് മാനണ്ഡങ്ങള്‍ പാലിച്ച് പരീക്ഷ നടത്താന്‍ സംസ്ഥാനം തയ്യാറാണെന്ന് കോടതിയെ അറിയിക്കും. പരീക്ഷനടത്തിപ്പുമായി ബന്ധപ്പെട്ട് നിലപാട് അറിയിക്കാന്‍ കോടതി നിര്‍ദ്ദേശം നല്‍കിയിരുന്നു. ചൊവ്വാഴ്ച മറുപടി നല്‍കാത്ത പക്ഷം കോടതി സ്വന്തം നിലക്ക് ഉത്തരവിറക്കുമെന്ന് പറഞ്ഞിരുന്നു.