കേരളത്തില്‍ ജീവിക്കാന്‍ കൊള്ളില്ലെന്നും പ്രതീക്ഷിക്കാന്‍ വകയില്ലാത്ത ഇടമായെന്നും പ്രമുഖ പരിസ്ഥിതി സാമൂഹികപ്രവര്‍ത്തക ദയാബായി. എന്‍ഡോസള്‍ഫാന്‍ ഇരകള്‍ക്കുവേണ്ടി സംസാരിക്കാന്‍ പിണറയായിയോട് ആവശ്യപ്പെട്ടിട്ടും കാണാന്‍ കൂട്ടാക്കിയില്ലെന്ന് അവര്‍ പറഞ്ഞു. സാമാന്യ മനുഷ്യരെ പിഴുതെറിഞ്ഞ് കോര്‍പറേറ്റുകള്‍ക്കുവേണ്ടി യാണ് ഭരണം. നേരത്തെ ദയാബായി കാസര്‍കോട്ടെ എന്‍ഡോസള്‍ഫാന്‍ ഇരകള്‍ക്കുവേണ്ടി സെക്രട്ടറിയേറ്റിന് മുമ്പില്‍ സത്യഗ്രഹം നടത്തിയെങ്കിലും വ്യാജവാഗ്ദാനം നല്‍കി സര്‍ക്കാര്‍ സമരം നിര്‍ത്തിക്കുകയായിരുന്നു.