പാലക്കാട്: കെ.എന്‍.എം മര്‍കസുദ്ദഅ്‌വ വനിതാവിഭാഗമായ എം.ജി.എം സംസ്ഥാനസമിതി സംഘടിപ്പിക്കുന്ന കേരള വിമന്‍സ് സമ്മിറ്റ് ഞായറാഴ്ച പാലക്കാട്ട് നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു. ഓള്‍ ഇന്ത്യാ മുസ്‌ലിം പേഴ്‌സണല്‍ ലോ ബോര്‍ഡ് അംഗം ഡോ. അസ്മാ സഹ്‌റ ത്വയ്യിബ(ഹൈദരാബാദ്) ഉദ്ഘാടനം ചെയ്യും. രമ്യഹരിദാസ് എം പി മുഖ്യാതിഥിയായിരിക്കും. അഡ്വ.കെ. ശാന്തകുമാരി എം.എല്‍. എ അതിഥിയാവും. സല്‍മ അന്‍വാരിയ്യ അധ്യക്ഷനാകും. ജില്ലാ കലക്ടര്‍ മൃണ്‍മയി ജോഷി, കണ്ണൂര്‍ കോര്‍പറേഷന്‍ ഡപ്യൂട്ടി മേയര്‍ ശബീന ശക്കീര്‍, സംസ്ഥാന സ്‌കൂള്‍ യുവജനോത്സവ തീം സോങ് രചയിതാവ് ഉമ്മുകുല്‍സു തിരുത്തിയാട് എന്നിവരെ ആദരിക്കും. വാര്‍ത്താ സമ്മേളനത്തില്‍ സല്‍മ അന്‍വാരിയ്യ, റുഖ്‌സാന വാഴക്കാട്, ബി.പി.എ ഗഫൂര്‍, വി.സി മറിയക്കുട്ടി സുല്ലമിയ്യ, ആയിശ, സലീമടീച്ചര്‍ പങ്കെടുത്തു.