കോഴിക്കോട്: കൊടുവള്ളിയില്‍ റെസ്‌റ്റോറന്റില്‍ തീപിടുത്തം. കോഴിക്കോട് വയനാട് ദേശീയ പാതയില്‍ കൊടുവള്ളി അങ്ങാടിയില്‍ കെഎഫ്‌സി ബില്‍ഡിങിന് താഴെയുള്ള റെസ്‌റ്റോറന്റിലാണ് തീപ്പിച്ചത്. വ്യാഴാഴ്ച്ച പുലര്‍ച്ചെ അഞ്ചോടെയാണ് സംഭവം. തുടര്‍ന്നുണ്ടായ പൊട്ടിത്തെറിയില്‍ റെസ്‌റ്റോറന്റ് പൂര്‍ണമായും തകര്‍ന്നു.
ദൃശ്യങ്ങള്‍ കാണാം
കെ.എം.ഒയുടെ എതിര്‍വശത്തുള്ള ചിക്കിങ് ഫാസ്റ്റ് ഫുഡ് ഹോട്ടലാണ് ഗ്യാസ് സിലണ്ടര്‍ പൊട്ടിത്തെറിയെ തുടര്‍ന്ന്പൂര്‍ണമായുും തകര്‍ന്നത്. പുലര്‍ച്ചെയാണ് കടയിലെ തീപിടുത്തം നാട്ടുകാരുെ ശ്രദ്ധയില്‍ പെട്ടത്. കടയില്‍ മൂന്ന് സിലണ്ടറുകള്‍ ഉള്ളതായ വിവരം കിട്ടിയതോടെ സ്ഥലത്തത്തിയ ഫയര്‍ഫോഴ്‌സ് പ്രദേശത്തുനിന്നും ആളുകളെ മാറ്റി വന്‍ സുരക്ഷക്രമീകരണം നടത്തുകയായിരുന്നു.
ഫയര്‍ഫോഴ്‌സിന്റെയും നാട്ടുകാരുടേയും സംയോജിത ഇടപെടലിനാല്‍ വന്‍ അപകടം ഒഴിവായി.