ദമ്മാം : കൊണ്ടോട്ടിയൻസ്@ദമ്മാം സംഘടിപ്പിച്ച പാചക മത്സരം രുചി വൈവിധ്യങ്ങളുടെ സംഗമത്തിനൊപ്പം സൗദി കിഴക്കൻ പ്രവിശ്യയിലെ കേരളീയ പ്രവാസി സമൂഹത്തിന്റെ പൊതുവേദി കൂടിയായി മാറി.
ദമാം റോയൽ മലബാർ റസ്റ്ററൊന്റ് ഓഡിറ്റോറിയത്തിൽ നടന്ന പാചക മത്സരത്തിൽ സ്ത്രീപുരുഷഭേദമന്യേ കേരളത്തിന്റെ വിവിധ ഭാഗങ്ങളിൽ നിന്നുള്ള 22 മത്സരാർത്ഥികൾ പങ്കെടുത്തു.
കിഴക്കൻ പ്രവിശ്യയിലെ ഏറ്റവും പ്രഗൽഭരായ ജഡ്ജിങ് പാനൽ (ഹനീഫ പെരിഞ്ചിരി, റൂബി ഹമീദ്, സിജില ഹമീദ്,ജുമാന )വിധി നിർണയിച്ച മത്സരത്തിൽ മിസ്സിസ് ആയിഷ ഷഹീൻ ഒന്നാം സ്ഥാനവും മിസിസ് മുഹ്‌സിന ഷിബിൽ രണ്ടാം സ്ഥാനവും മിസ്സിസ് അമൃത ശ്രീലാൽ മൂന്നാം സ്ഥാനവും നേടി.
വിജയിക്ക് റൗണ്ട് ട്രിപ്പ് എയർ ടിക്കറ്റ് ഇന്റർനാഷണൽ ട്രാവൽസും റെഡ് റേ ട്രാവൽസും ചേർന്നു നൽകിയപ്പോൾ രണ്ടാം സ്ഥാനത്തിനുള്ള വൺവേ എയർ ടിക്കറ്റ് റോയൽ ട്രാവൽസ് മൂന്നാം സ്ഥാനത്തിനുള്ള ഹോം അപ്ലൈൻസ് ഗ്രാൻഡ് മാർട്ട് ഹൈപ്പർമാർക്കറ്റും നൽകി. കൂടാതെ ഗിഫ്റ്റ് വൗച്ചർ ഉൾപ്പെടെ നിരവധി സമ്മാനങ്ങൾ വിജയികൾക്കും മറ്റു മത്സരാർത്ഥികൾക്കും സമ്മാനിച്ചു.
പാചക മത്സരത്തോടനുബന്ധിച്ച് കലാസാംസ്കാരിക സദസ്സുകളും അരങ്ങേറി. ഫൈസൽ കൊണ്ടോട്ടി ദൃശ്യാവിഷ്കാരം നിർവഹിച്ച, കൊണ്ടോട്ടിയുടെ ചരിത്ര പാരമ്പര്യവും പൈതൃകവും വിവരിച്ച കൊണ്ടോട്ടിയിലൂടെ എന്ന ഡോക്യുമെന്ററി ഏറെ പ്രശംസ പിടിച്ചുപറ്റി. സാമൂഹിക ബോധവൽക്കരണം ആസ്പദമാക്കിയുള്ള തീം ഡാൻസ് ഉൾപ്പെടെ മറ്റു കലാപരിപാടികളും നടന്നു.
സാംസ്കാരിക സമ്മേളനം കൊണ്ടോട്ടിയൻസ്@ദമ്മാം ഉപദേശക സമിതി അംഗം സി. അബ്ദുൽ ഹമീദ് ഉത്ഘാടനം ചെയ്തു.
കിഴക്കൻ പ്രവിശ്യയിലെ സാമൂഹിക സാംസ്കാരിക മാധ്യമ പൊതുപ്രവർത്തനരംഗത്ത് പ്രമുഖരായ ഒ. പി. ഹബീബ് (കെഎംസിസി), ഇ.കെ. സലീം (ഒഐ സി സി ), രഞ്ജിത്ത് വടകര (നവോദയ), ജമാൽ വില്യാ പ്പിള്ളി (നവയുഗം), സാമൂഹ്യ പ്രവർത്തകൻ നാസ് വക്കം, മുജീബ് കളത്തിൽ, ഹബീബ്,സാജിത് ആറാട്ടുപുഴ,അഷ്റഫ് ആളത്ത്, നൗഷാദ് കണ്ണൂർ,താജു അയ്യാരിൽ, സലീം,ആസിഫ് താനൂർ, Dr, സിന്ധു വിനു, ഹുസ്ന തുടങ്ങിയ വ്യക്തിത്വങ്ങൾ ആശംസകൾ നേർന്ന് സംസാരിച്ചു.
പ്രസിഡന്റ് ആലിക്കുട്ടി ഒളവട്ടൂരിന്റെ നേതൃത്വത്തിൽ സെക്രട്ടറി അഷ്റഫ് തകൊണ്ടോട്ടി , ട്രഷറർ സിദ്ധിക്ക് ആനപ്ര, ഓർഗനൈസിംഗ് സെക്രട്ടറി ഷമീർ വി.പി, വൈസ് പ്രസിഡണ്ട് റിയാസ് മരക്കാട്ടുതൊടിക, ഷറഫു വലിയ പറമ്പ്,നിഹാൽ, റഷീദ്,ജുസൈർ തോട്ടത്തിൽ, ബബീഷ് രാജ്, സഹീർ മജ്‌ദാൽ, ആസിഫ് മേലങ്ങാടി, സൈനുദ്ദീൻ വലിയപറമ്പ്, ഇഖ്ബാൽ ചുണ്ടക്കാടൻ, നിയാസ് ബിനു, ഇ.എം. മുഹമ്മദ് കുട്ടി ഖഫ്ജി, ഉമ്മർ കോട്ടയിൽ അൽഹസ, റസാഖ് ബാബു, സുഹൈൽ ഹമീദ്, മെഹബൂബ് ബാബു, ബുഷ്റ റിയാസ്, നംഷിദ ഷമീർ തുടങ്ങിയവർ നേതൃത്വം നൽകി.