മണിപ്പൂരില്‍ തുടരുന്ന അക്രമസംഭവത്തില്‍ പ്രതികരിച്ച് കോണ്‍ഗ്രസ് മുന്‍ അധ്യക്ഷയും കോണ്‍ഗ്രസ് പാര്‍ലമെന്ററി പാര്‍ട്ടി ചെയര്‍പേഴ്‌സണുമായ സോണിയ ഗാന്ധി. മണിപ്പൂര്‍ അക്രമം രാജ്യത്തിന്റെ മനസ്സാക്ഷിയില്‍ ആഴത്തിലുള്ള മുറിവ് അവശേഷിപ്പിച്ചെന്ന് സോണിയ ഗാന്ധി പറഞ്ഞു.
മണിപ്പൂരിലെ ജനങ്ങളുടെ ജീവിതം തകര്‍ക്കുകയും ആയിരക്കണക്കിനാളുകളെ സ്വന്തം നാട്ടില്‍ നിന്ന് പിഴുതെറിയുകയും ചെയ്ത അക്രമം നമ്മുടെ രാജ്യത്തിന്റെ മനസ്സാക്ഷിയില്‍ ആഴത്തിലുള്ള മുറിവ് അവശേഷിപ്പിച്ചു. പ്രശ്‌നപരിഹാരത്തിന് സ്വീകരിക്കുന്ന മാര്‍ഗങ്ങള്‍ നമ്മുടെ ഭാവി തലമുറയെ രൂപപ്പെടുത്തുമെന്നും സോണിയ ഗാന്ധി കൂട്ടിച്ചേര്‍ത്തു.