ന്യൂനപക്ഷങ്ങള്ക്കെതിരായ പീഡനങ്ങളും ജനാധിപത്യസ്ഥാപനങ്ങള് ജീര്ണിക്കുന്നതും ചൂണ്ടിക്കാട്ടി ബ്രിട്ടനിലെ പ്രമുഖ മാസികയായ ബ്രീട്ടീഷ് ഹെറാള്ഡ് മുഖലേഖനം പ്രസിദ്ധീകരിച്ചു. മോദിയുടെ വായ മൂടിക്കെട്ടിയ ചിത്രവുമായാണ് കവര് സ്റ്റോറി. ഇന്ത്യയില് നടക്കുന്ന ജനാധിപത്യധ്വംസനങ്ങള് പ്രധാനമന്ത്രി കണ്ടില്ലെന്ന ്നടിക്കുകയാണെന്ന് പറയുന്ന ലേഖനത്തില് ഏറ്റവും താഴേക്കിടയിലുള്ളവരുടെ ക്ഷേമമാണ് രാജ്യത്തിന് പ്രധാനമെന്ന ഗാന്ധിജിയുടെ വാക്യം തുടക്കത്തില്തന്നെ ചേര്ത്തിട്ടുണ്ട്. നേരത്തെ ബിബിസിയുടെ മോദിക്കെതിരായ ഡോക്യൂമെന്ററി വിവാദമാകുകയും ഇന്ത്യാസര്ക്കാര് നിരോധിക്കുകയും ചെയ്തിരുന്നു. ട്രംപും ഇപ്പോള് ബൈഡനും മോദിയെ സ്വീകരിക്കുമ്പോള് മുന് അമേരിക്കന് പ്രസിഡന്റ് ബറാക് ഒബാമ മോദിയെ അകറ്റിനിര്ത്തിയ കാര്യം ലേഖനത്തില് പറയുന്നുണ്ട്. എട്ടുവര്ഷത്തിന് ശേഷം ആദ്യമായാണ് മോദി അമേരിക്കയില്വെച്ച് മാധ്യമങ്ങളെ കണ്ടതെന്നും പറയുന്ന ലേഖനത്തിന്റെ തലക്കെട്ട് ജനാധിപത്യം ഇന്ത്യയില് അപായമണി മുഴക്കുന്നുവെന്നാണ്.
വായ മൂടിക്കെട്ടിയ മോദിയുടെ മുഖചിത്രവുമായി ബ്രിട്ടീഷ് ഹെറാള്ഡ് മാഗസിന്
Tags: #naredramodiIndia
Related Post