സംസ്ഥാന സര്‍ക്കാര്‍ കഴിഞ്ഞ ദിവസം എടുത്ത മുന്നോക്ക ക്ഷേമ കോര്‍പ്പറേഷന്‍ ചെയര്‍മാന്‍ സ്ഥാനത്തിന്റെ മാറ്റം മരവിപ്പിച്ചു. ഗണേഷ് കുമാര്‍ എംഎല്‍എയുടെ പരാതിയെ തുടര്‍ന്നാണ് നടപടി. കേരള കോണ്‍ഗ്രസ് ബി പ്രതിനിധി കെ ജി പ്രജിത്തിനെ പാര്‍ട്ടി അറിയാതെ മാറ്റുകയായിരുന്നു പകരം സിപിഎമ്മിന്റെ രാജഗോപാലന്‍ നായരെ ചെയര്‍മാനായി നിയമിച്ചു ഇത് വിവാദമായതിനെ തുടര്‍ന്നാണ് മുഖ്യമന്ത്രി ഇടപെട്ട് തല്‍ക്കാലം പ്രജിത്തിനെ തുടരാന്‍ അനുവദിച്ചത്.