തിരുവനന്തപുരം: മാധ്യമ പ്രവര്‍ത്തകന്‍ കെ. എം ബഷീറിനെ കൊലപ്പെടുത്തിയ കേസില്‍ പ്രതികളായ ശ്രീറാം വെങ്കട്ടരാമനും വഫ ഫിറോസിനുമെതിരായ മനഃപൂര്‍വ്വമുള്ള നരഹത്യ വകുപ്പ് ഒഴിവാക്കി. എന്നാല്‍ അശ്രദ്ധയോടെ വാഹനം ഓടിച്ച് അപകടമരണത്തിന് ഇടയാക്കുന്ന വകുപ്പ് നിലനിര്‍ത്തിയിട്ടുണ്ട്.
മനഃപൂര്‍വ്വമുള്ള നരഹത്യ വകുപ്പ് ഒഴിവാക്കിയതോടെ പത്തുവര്‍ഷം വരെ തടവ് ലഭിക്കാവുന്ന ശിക്ഷയാണ് ഒഴിവായത്. നിലവിലെ വകുപ്പ് പ്രകാരം രണ്ടുവര്‍ഷത്തെ ശിക്ഷയാണ് ലഭിക്കുക. പ്രതികളുടെ വിടുതല്‍ ഹരജി കോടതി തള്ളിയിട്ടുണ്ട്.