ചാനല്‍ ഉപയോഗിച്ച് മുട്ടില്‍ കേസിലെ പ്രതികള്‍ അപകീര്‍ത്തിപ്പെടുത്തുന്നെന്ന് കാണിച്ച് ഡി.വൈ.എസ് പി പോലീസ് മേധാവിക്ക് കത്തയച്ചു.താനൂര്‍ ഡിവൈ.എസ്.പി. വി.വി. ബെന്നിയാണ് സംസ്ഥാന പോലീസ് മേധാവിക്ക് കത്തയച്ചത്.താനൂര്‍ കസ്റ്റഡിമരണവുമായി ബന്ധപ്പെട്ട് തന്നെയും സേനയിലെ മറ്റു ഉദ്യോഗസ്ഥരെയും ആക്ഷേപിക്കുകയാണെന്നും കത്തില്‍ ചൂണ്ടിക്കാട്ടുന്നു.റിപ്പോര്‍ട്ടര്‍ ടി.വി.യുടെ മാനേജിങ് ഡയറക്ടര്‍ മുട്ടില്‍മരംമുറി കേസിലെ പ്രധാന പ്രതിയാണ്. അതുകൊണ്ട് പ്രതികാരം വീട്ടുകയാണെന്ന സൂചനയാണ് കത്തിലുള്ളത്.കുറ്റപത്രം സമര്‍പ്പിക്കാന്‍ ദിവസങ്ങള്‍ ബാക്കിയിരിക്കെയാണ് കത്ത്. ഇക്കാര്യത്തില്‍ ഡി.ജി.പി. തീരുമാനമെടുത്തിട്ടില്ല.