പ്രധാനമന്ത്രി നരേന്ദ്രമോദി നവ ഇന്ത്യയുടെ രാഷ്ട്രപിതാവാണെന്ന അമൃത ഫഡ്‌നാവിന്റെ പ്രസ്താവനയെ പരിഹസിച്ച് ബീഹാര്‍ മുഖ്യമന്ത്രി നിതീഷ് കുമാര്‍. നവ ഇന്ത്യയുടെ രാഷ്ട്രപിതാവ് രാജ്യത്തിനുവേണ്ടി എന്താണ് ചെയ്തതെന്ന് മോദിയെ പരിഹസിച്ച് നിതീഷ് ചോദിച്ചു.
മോദിക്ക് സ്വാതന്ത്ര്യ സമരവുമായി യാതൊരുവിധ ബന്ധവുമില്ല, സ്വാതന്ത്ര്യ സമരത്തിന് ആര്‍എസ്എസ് ഒരു സംഭാവനയും നല്‍കിയിട്ടില്ല, പ്രധാനമന്ത്രി നവ ഇന്ത്യയുടെ രാഷ്ട്രപിതാവ് ആണെന്ന് പറയുന്നു. എന്നാല്‍ പുതിയ രാഷ്ട്രപിതാവ് രാജ്യത്തിനുവേണ്ടി എന്താണ് ചെയ്തത്. നിതീഷ് കുമാര്‍ ചോദിച്ചു.
മഹാരാഷ്ട്ര ഉപ മുഖ്യമന്ത്രി ദേവേന്ദ്ര ഫഡ്‌നാവിന്റെ ഭാര്യ അമൃത ഫഡ്‌നാവിസ് കഴിഞ്ഞ ഡിസംബര്‍ 21ന് പ്രധാനമന്ത്രി നരേന്ദ്ര മോദി നവ ഇന്ത്യയുടെ രാഷ്ട്രപിതാവ് ആണെന്ന് പറഞ്ഞിരുന്നു. ഇതിനു മറുപടിയായാണ് നിതീഷ് കുമാര്‍ രംഗത്തെത്തിയിരിക്കുന്നത്.