ന്യുഡല്‍ഹി: ചൈന ഉള്‍പ്പെടെ ആറ് രാജ്യങ്ങളില്‍ നിന്നും എത്തുന്ന യാത്രക്കാര്‍ക്ക് അടുത്ത ആഴ്ച മുതല്‍ ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റ് നിര്‍ബന്ധമാക്കുമെന്ന് റിപ്പോര്‍ട്ട്.ചൈനയ്ക്ക് പുറമെ ജപ്പാന്‍, ദക്ഷിണ കൊറിയ, ഹോങ്കോങ്, തായ്ലന്‍ഡ്, സിംഗപ്പൂര്‍ എന്നിവിടങ്ങളില്‍ നിന്നുള്ള രാജ്യാന്തര യാത്രക്കാര്‍ക്കാണ് പരിശോധനാ ഫലം കൈവശം കരുതേണ്ടത് നിര്‍ബന്ധമാക്കുന്നത്.
72 മണിക്കൂറിനുള്ളില്‍ എടുത്ത ആര്‍ടിപിസിആര്‍ പരിശോധനാഫലമാണ് ആവശ്യം. ഇതിനു പുറമെ എയര്‍ സുവിധ ഫോം പൂരിപ്പിക്കുകയും വേണം. കഴിഞ്ഞ രണ്ട് ദിവസത്തിനിടെ പരിശോധന നടത്തിയ 6000 പേരില്‍ 39 രാജ്യാന്തര യാത്രക്കാര്‍ക്ക് കൊവിഡ് സ്ഥിരീകരിച്ചിരുന്നു.