യുവ സംവിധായിക നയന സൂര്യ മരണസമയത്ത് ഉപയോഗിച്ചിരുന്ന വസ്ത്രങ്ങള്‍ കണ്ടെത്തി. മ്യൂസിയം പൊലീസില്‍ നിന്നും ക്രൈം ബ്രാഞ്ച് സംഘം ശേഖരിച്ചു. മരണ സമയത്ത് മുറിയില്‍ ഉണ്ടായിരുന്ന ബെഡ്ഷീറ്റ് ഉള്‍പ്പെടെയുള്ള തുണികള്‍ കൈമാറി. മരണ സമയത്ത് നയന സമയത്ത് യുവതി ധരിച്ചിരുന്ന വസ്ത്രങ്ങള്‍ കാണാതായത് വിവാദത്തിലേക്ക് വഴിവച്ചിരുന്നു. പിന്നീട് നടത്തിയ വിശദമായ പരിശോധനയിലാണ് ബെഡ്ഷീറ്റ് അടക്കമുള്ള തെളിവുകള്‍ കണ്ടെത്തിയത്. ഇവ ശാസ്ത്രീയ പരിശോധയ്ക്ക് അയക്കാനാണ് ക്രൈം ബ്രാഞ്ച് തീരുമാനം.
2019 ഫെബ്രുവരി 24നാണ് യുവ സംവിധായിക നയന സൂര്യയെ മരിച്ച നിലയില്‍ കണ്ടെത്തിയത്. വെള്ളയമ്പലം ആല്‍ത്തറ ജംഗ്ഷനിലെ ഫ്‌ളാറ്റിലാണ് മരിച്ച നിലയില്‍ കണ്ടെത്തിയത്. 28 വയസ്സായിരുന്നു. സംവിധായകന്‍ ലെനിന്‍ രാജേന്ദ്രന്റെ അസിസ്റ്റന്റായിരുന്നു.