ശ്രീനഗര്‍ : ജമ്മു കാശ്മീരില്‍ മൂന്നു ഭീകരരെ സുരക്ഷാ സൈന്യം വധിച്ചു. ഇന്ന് പുലര്‍ച്ചയാണ് ഏറ്റുമുട്ടല്‍ ഉണ്ടായത്.
ഷോപ്പിയാനില്‍ ഉണ്ടായ ഏറ്റുമുട്ടലിലാണ് ഇവരെ വധിച്ചത്. മരിച്ചു മൂന്നു പേരും ലഷ്‌കര്‍ ഈ തൊയ്ബ പ്രവര്‍ത്തകരാണ്. കൊല്ലപ്പെട്ട ഭീകരരില്‍ രണ്ടുപേരെ പോലീസ് തിരിച്ചറിഞ്ഞിട്ടുണ്ട്. കശ്മീരി പണ്ഡിറ്റ് കൃഷ്ണ ഭട്ടിന്റെ കൊലപാതകത്തില്‍ ഉള്‍പ്പെട്ട ഷോപ്പിയാന്‍ ജില്ലയിലെ ലത്തീഫ് ലോണ്‍ എന്നയാളാണ് ഒരു ഭീകരന്‍. മറ്റൊരാള്‍ നേപ്പാള്‍ സ്വദേശിയായ ബഹദൂര്‍ ദാപ്പയുടെ കൊലപാതകത്തില്‍ ഉള്‍പ്പെട്ട അനന്ത്നഗറിലെ ഉമര്‍ നസീറും ആണെന്ന് കാശ്മീര്‍ പോലീസ് പറഞ്ഞു.