തിരുവനന്തപുരം: വിഴിഞ്ഞം തുറമുഖ നിര്‍മാണത്തിനെതിരെ മത്സ്യത്തൊഴിലാളികള്‍ റോഡ് ഉപരോധിച്ചു. ലത്തീന്‍ അതിരൂപതയുടെ നേത്യത്വത്തിലാണ് പ്രതിഷേധം സംഘടിപ്പിച്ചത്. സംഘര്‍ഷ സാധ്യത കണക്കിലെടുത്ത് സമരം വിലക്കിയിരുന്ന വിഴിഞ്ഞത്തും മുല്ലൂരിലും സമരക്കാര്‍ റോഡ് ഉപരോധിച്ചു.
വള്ളങ്ങളും വലകളുമുപയോഗിച്ചാണ് സമരക്കാര്‍ റോഡ് ഉപരോധിച്ചത്. വിമാനത്താവളത്തിലേക്കുള്ള റോഡുള്‍പ്പടെ വിവിധ പ്രധാനറോഡുകള്‍ സമരക്കാര്‍ ഉപരോധിച്ചു. ഇതോടെ വിദ്യാര്‍ത്ഥികളും യാത്രക്കാരും റോഡില്‍ കുടുങ്ങി. സമരക്കാരുടെ ആവശ്യങ്ങള്‍ അംഗീകരിക്കുന്നത് വരെ സമരം തുടരുമെന്ന് സമരസമിതി അറിയിച്ചു.