മതിയായ രേഖകളില്ലാതെ വാഹനത്തില്‍ ഒളിപ്പിച്ചു കടത്തുകയായിരുന്ന കുഴല്‍പ്പണം പിടികൂടി. കൊടുവള്ളി സ്വദേശി പാമ്ബങ്ങല്‍ വീട്ടില്‍ ഷമീറലി(39) യില്‍ നിന്നാണ് മതിയായ രേഖകളില്ലാതെ കടത്തുകയായിരുന്ന 78,08045 രൂപയും വാഹനവും പിടിച്ചെടുത്തത്.വാലില്ലാപ്പുഴ പൂഴിക്കുന്നില്‍ നടത്തിയ വാഹന പരിശോധനയിലാണ് കുഴല്‍പ്പണം പിടിച്ചെടുത്തത്.
വാഹനത്തിലെ രഹസ്യ അറയില്‍ ഒളിപ്പിച്ച നിലയിലായിരുന്നു പണം. വാഹനവും പണവും പൊലീസ് കസ്റ്റഡിയില്‍ എടുത്തു. പിടിച്ചെടുത്ത തുക കോടതിക്ക് കൈമാറും. തുടര്‍ നടപടികള്‍ക്കായി ഇന്‍കംടാക്സ് വിഭാഗത്തിനും എന്‍ഫോഴ്സ്മെന്റ് വിഭാഗത്തിനും പൊലീസ് റിപ്പോര്‍ട്ട് നല്‍കും.