പോങ്‌യാങ്: അമേരിക്കക്കു മുന്നറിയിപ്പ് നല്‍കി തലസ്ഥാനമായ പോങ്‌യാങില്‍ നടത്തിയ സൈനിക പ്രകടത്തിനു പിന്നാലെ ഉത്തരകൊറിയ വീണ്ടും മിസൈല്‍ പരീക്ഷണം നടത്തി. അമേരിക്കന്‍ ഭീഷണിക്കു മുന്നില്‍ ഒരു തരത്തിലും വഴങ്ങില്ലെന്ന് അറിയിച്ചു നല്‍കാനാണ് ഉത്തരകൊറിയയുടെ നടപടി.
ഇന്നു പുലര്‍ച്ചെ കഴിക്കന്‍ തീരത്തു നിന്നാണ് ഉത്തരകൊറിയ മിസൈല്‍ പരീക്ഷണം നടത്തിയത്. എന്നാല്‍ ഏതുതരം മിസൈലാണ് പരീക്ഷിച്ചതെന്ന് വ്യക്തമല്ല. അതേസമയം, ഉത്തരകൊറിയക്കെതിരെ അമേരിക്കയും ദക്ഷിണകൊറിയയും രംഗത്തുവന്നു.
മിസൈല്‍ പരീക്ഷണം പരാജയമാണെന്ന് ഇരുരാജ്യങ്ങളും പറഞ്ഞു. ലോഞ്ച് ചെയ്ത് സെക്കന്റുകള്‍ക്കകം മിസൈല്‍ പൊട്ടിത്തെറിക്കുകയായിരുന്നുവെന്ന് അമേരിക്കയും ദക്ഷിണ കൊറിയയും വ്യക്തമാക്കി.
Also Read: