നികുതി ഭാരത്താല്‍ ജനങ്ങളുടെ നടുവൊടിച്ച പിണറായി സര്‍ക്കാറിനെ ട്രോളി ജനം. വിവിധ രീതിയിലുള്ള ട്രോളുകളും കാര്‍ട്ടൂണുകളും പോസ്റ്ററുകളുമാണ് ഇതിനോടകം സോഷ്യല്‍ മീഡിയയില്‍ പ്രചരിക്കുന്നത്. ട്രോളുകളില്‍ തീര്‍ത്തും ശ്രദ്ധേയമാവുകയാണ് ചിലത്.
´വീട് അടച്ചിട്ടിരിക്കുന്നതല്ല മാര്‍ക്കറ്റില്‍ പോയിരിക്കുന്നു സെസ് ഏര്‍പ്പെടുത്തരുത്` എന്ന് ഒരു വീടിന്റെ മുന്‍പില്‍ എഴുതി വച്ചതാണ് ചിത്രത്തില്‍ കാണുന്നത്.
കഴിഞ്ഞ ദിവസമാണ് ജനങ്ങളുടെ നടുവൊടിക്കുന്ന ബജറ്റ് ധനമന്ത്രി കെ എന്‍ ബാലഗോപാല്‍ നിയമസഭയില്‍ അവതരിപ്പിച്ചത്. കെട്ടിടനികുതിയും വാഹന നികുതിയും ഭൂമിയുടെ ന്യായവിലയിലുമുള്‍പ്പെടെ ജനങ്ങളുടെ കണ്ണീര്‍ കുടിപ്പിക്കുന്ന ബജറ്റാണ് രണ്ടാം പിണറായി സര്‍ക്കാറിന്റെ ഭാഗത്തുനിന്നുണ്ടായത്.