കോഴിക്കോട് : 16 ദിവസത്തെ ജയില്‍വാസത്തെ തുടര്‍ന്ന് ജാമ്യം ലഭിച്ച് പുറത്തിറങ്ങിയ മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസിന് നാളെ (ഫെബ്രുവരി 08, ബുധനാഴ്ച) കോഴിക്കോട് സ്വീകരണം നല്‍കും. മുതലക്കുളം മൈതാനിയില്‍ വൈകീട്ട് 4.30ന് നടക്കുന്ന സ്വീകരണ സമ്മേളനത്തില്‍ മുസ്‌ലിം ലീഗ്, യു.ഡി.എഫ് നേതാക്കള്‍ സംബന്ധിക്കും. ട്രെയിന്‍ മാര്‍ഗം നാളെ വൈകീട്ട് 4മണിക്ക് കോഴിക്കോട് എത്തുന്ന ഫിറോസിനെ പ്രവര്‍ത്തകര്‍ പ്രകടനമായി സ്വീകരണ സ്ഥലത്തേക്ക് ആനയിക്കും.
മുസ്‌ലിം യൂത്ത് ലീഗ് സംസ്ഥാന കമ്മറ്റിയുടെ ആഭിമുഖ്യത്തില്‍ ഇടത് ദുര്‍ഭരണത്തിനെതിരെ സേവ് കേരള എന്ന മുദ്യാവാക്യവുമായി ജനുവരി 18ന് നടത്തിയ സെക്രട്ടറിയേറ്റ് മാര്‍ച്ചിനെ തുടര്‍ന്നാണ് സംസ്ഥാന ജനറല്‍ സെക്രട്ടറി പി.കെ ഫിറോസ് ഉള്‍പ്പെടെ ഇരുപത്തിയെട്ട് പ്രവര്‍ത്തകരെ കള്ളക്കേസില്‍ കുടുക്കി റിമാന്റ് ചെയ്തത്. പ്രവര്‍ത്തകരെ ജനുവരി 18ന് തന്നെ അറസ്റ്റ് ചെയ്ത് റിമാന്റ് ചെയ്യുകയുണ്ടായിരുന്നു. സഹപ്രവര്‍ത്തകരുടെ കേസ് സംബന്ധമായ കാര്യങ്ങള്‍ക്കായി തിരുവനന്തപുരത്ത് തുടര്‍ന്ന ഫിറോസിനെ ജനുവരി 23നാണ് പോലീസ് അറസ്റ്റ് ചെയ്തത. 14ദിവസത്തെ ജയില്‍വാസത്തെ തുടര്‍ന്ന് പ്രവര്‍ത്തകര്‍ കഴിഞ്ഞ ദിവസം ജാമ്യം ലഭിച്ച് ഇറങ്ങുകയുണ്ടായി.