കാഞ്ഞിരപ്പള്ളിയിലെ മാങ മോഷണക്കേസില്‍ പ്രതിയായ പൊലീസുകാരന്‍ പി.വി ഷിഹാബിനെ പിരിച്ചുവിട്ടു. ഇടുക്കി എആര്‍ ക്യാമ്പിലെ സിവില്‍ പൊലീസ് ഓഫിസറായിരുന്നു ഷിഹാബ്. ഇടുക്കി എസ്.പിയാണ് പിരിച്ചുവിട്ടത്. സര്‍വിസില്‍ ഉള്ളപ്പോഴും ഇയാള്‍ മൂന്നുകേസില്‍ പ്രതിയാണെന്നും മാങ്ങ മോഷണവുമായി ബന്ധപ്പെട്ട് ഷിഹാബിന്റെ വിശദീകരണം തൃപ്തികരമല്ലെന്നും എസ്.പി പറഞ്ഞു.
പിരിച്ചുവിടാനുള്ള പൊലീസുകാരുടെ പട്ടികയില്‍ ഷിഹാബിന്റെ പേരും ഉള്‍പ്പെട്ടിട്ടുണ്ടായിരുന്നു. പിന്നീട് പിരിച്ചുവിടാതിരിക്കാന്‍ കാരണമുണ്ടെങ്കില്‍ ബോധിപ്പിക്കണമെന്നാവശ്യപ്പെട്ട് ഇടുക്കി എസ്പി ഇയാള്‍ക്ക് നോട്ടീസ് നല്‍കിയിരുന്നു. കഴിഞ്ഞ സെപ്തംബറിലാണ് കോട്ടയം കാഞ്ഞിരപ്പള്ളിയില്‍ പച്ചക്കറിക്കടയില്‍ നിന്ന് മാങ്ങ മോഷ്ടിച്ച കേസില്‍ ഷിഹാബ് പിടിയിലാവുന്നത്.