കൊച്ചി: കുപ്പി വെള്ളത്തിന് വില കുറ്ക്കാന്‍ കുപ്പിവെള്ള നിര്‍മാണ കമ്പനികളുടെ സംഘടനയായ കേരള ബോട്ടില്‍ഡ് വാട്ടര്‍ മാനുഫാക്ച്ചറേഴ്‌സ് അസോസിയേഷന്‍ തീരുമാനിച്ചു. നിലവില്‍ 20 രൂപ വിലയുള്ള കുപ്പിവെള്ളത്തിന് ഇനി മുതല്‍ 12 രൂപ കൊടുത്താല്‍ മതി.
ഏപ്രില്‍ രണ്ട് മുതല്‍ പുതിയ വിലക്ക് വെള്ളം നല്‍കുമെന്ന് അസോസിയേഷന്‍ ഭാരവാഹികള്‍ അറിയിച്ചു. നേരത്തെ 10 രൂപയായിരുന്ന ഒരു ലിറ്റര്‍ കുപ്പിവെള്ളത്തിന് മള്‍ട്ടി നാഷണല്‍, നാഷണല്‍ കമ്പനികളുടെ താല്‍പര്യപ്രകാരം ക്രമേണ 12, 15, 17, 20 എന്നിങ്ങനെ വില വര്‍ധിപ്പിക്കുകയായിരുന്നു.