ബംഗളൂരു: ഏഷ്യാനെറ്റ് ഗ്രൂപ്പ് ചെയര്‍മാനും രാജ്യസഭാംഗവുമായ രാജീവ് ചന്ദ്രശേഖര്‍ ബിജെപിയില്‍ ചേര്‍ന്നു.
കേരളത്തിലെ എന്‍.ഡി.എ വൈസ് ചെയര്‍മാനായ രാജീവ് ബിജെപി പിന്തുണയോടെ സ്വതന്ത്ര അംഗമായാണ് രാജ്യസഭയില്‍ എത്തിയത്. ഇത്തവണ ബിജെപി വീണ്ടും രാജീവിനെ സ്ഥാനാര്‍ത്ഥിയായി പ്രഖ്യാപിച്ചതിനു പിന്നാലെയാണ് പാര്‍ട്ടിയില്‍ ചേരുന്നതായി അറിയിച്ചത്.
കര്‍ണാടകയില്‍ നടന്ന പരിപാടിയില്‍ രാജീവ് പാര്‍ട്ടി അംഗത്വം സ്വീകരിച്ചു. കര്‍ണാടക ബി.ജെ.പി അധ്യക്ഷന്‍ ബി.എസ് യെദ്യൂരപ്പ, ജഗദീഷ് ഷെട്ടാര്‍, ശോഭ കരന്ദലജെ എന്നിവരുടെ സാന്നിധ്യത്തിലാണ് അംഗത്വം സ്വീകരിച്ചത്.
കര്‍ണാടകയില്‍ വരാനിരിക്കുന്ന തെരഞ്ഞെടുപ്പില്‍ ബിജെപിയെ അധികാരത്തിലെത്തിക്കുകയാണ് തന്റെ ലക്ഷ്യമെന്ന് രാജീവ് ചന്ദ്രശേഖര്‍ പറഞ്ഞു.