സൂപ്പർസ്റ്റാർ രജനികാന്ത് അഭിനയിക്കുന്ന ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമായ ജയിലറിന് റിലീസ് തീയതി നിർമാതാക്കളായ സൺ പിക്ചേഴ്സ് പുറത്തു വിട്ടു. ആഗസ്ത് 10 മുതൽ ജയിലെർ വേട്ട തുടങ്ങാൻ ഒരുങ്ങുകയാണ് എന്നാണ് സൺ പിക്ചേഴ്സ് ട്വീറ്റ് ചെയ്തിരിക്കുന്നത്.തികച്ചും ത്രസിപ്പിക്കുന്ന പുതിയ പ്രൊമോയ്‌ക്കൊപ്പമാണ് ജയിലറിന്റെ നിർമ്മാതാക്കൾ ചിത്രത്തിന്റെ റിലീസ് തീയതിയും പ്രഖ്യാപിച്ചിരിക്കുന്നത്. നിമിഷങ്ങൾ നീണ്ടുനിൽക്കുന്ന പുതിയ പ്രൊമോ വീഡിയോയിൽ മലയാളത്തിന്റെ മഹാനടൻ മോഹൻലാലിനേയും കാണാം. ജാക്കി ഷ്റോഫ് തുടങ്ങിയ പ്രമുഖ താരങ്ങളും ചിത്രത്തിലുണ്ട് .
നെൽസൺ സംവിധാനം ചെയ്യുന്ന ചിത്രത്തിൽ ശിവ രാജ്കുമാർ, വസന്ത് രവി, യോഗി ബാബു, രമ്യാ കൃഷ്ണൻ, വിനായകൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. കന്നഡ സൂപ്പർതാരവും അന്തരിച്ച നടനുമായ രാജ്കുമാറിന്റെ മകൻ ശിവ രാജ്കുമാറിന്റെ തമിഴ് അരങ്ങേറ്റ ചിത്രം കൂടിയാണ് ജയിലർ.
നയൻതാര, ഖുശ്ബു, കീർത്തി സുരേഷ് എന്നിവർക്കൊപ്പം അഭിനയിച്ച 2021-ൽ പുറത്തിറങ്ങിയ അണ്ണാത്ത എന്ന ചിത്രമാണ് രജനികാന്തിന്റെ ഇതിന് മുൻപ് ഇറങ്ങിയ ചിത്രം.