കൊല്ലം: റംസിയുടെ ആത്മഹത്യയുമായി ബന്ധപ്പെട്ട കേസില്‍ സീരിയല്‍ നടി ലക്ഷമി പ്രമോദിനും ഭര്‍ത്താവ് അസറുദ്ദീനും മുന്‍കൂര്‍ ജാമ്യം. കൊല്ലം പ്രിന്‍സിപ്പല്‍ സെഷന്‍സ് കോടതിയാണ് ജാമ്യം അനുവദിച്ചത്. റംസിയെ നിര്‍ബന്ധിച്ച് ഗര്‍ഭഛിദ്രം നടത്തിയത് ലക്ഷ്മി പ്രമോദാണെന്നായിരുന്നു റംസിയുടെ കുടുംബം ആരോപിച്ചത്.
വഞ്ചനാക്കുറ്റം ഉള്‍പ്പെടെയുള്ള വകുപ്പുകള്‍ ചുമത്തി ലക്ഷ്മി പ്രമോദിനെ അറസ്റ്റ് ചെയ്യണമെന്നായിരുന്നു ആക്ഷന്‍ കൗണ്‍സിലിന്റെ ആവശ്യം. റംസിയെ ഗര്‍ഭഛിദ്രം നടത്തിച്ചത് ഉള്‍പ്പെടെയുള്ള കാര്യങ്ങളില്‍ ലക്ഷമിക്ക് പങ്കുണ്ടെന്നാണ് ആക്ഷന്‍ കൗണ്‍സില്‍ ആരോപിക്കുന്നത്.
വിവാഹം തീരുമാനിച്ചതിന് ശേഷം കാമുകന്‍ പിന്‍മാറിയതില്‍ മനംനൊന്താണ് റംസി ആത്മഹത്യ ചെയ്തത്. റംസിക്ക് നീതികിട്ടണമെന്നാവശ്യപ്പെട്ടാണ് നാട്ടുകാര്‍ ആക്ഷന്‍ കൗണ്‍സില്‍ രൂപീകരിച്ചിരിക്കുന്നത്.