തിരുവനന്തപുരം പൂജപ്പുര സെന്‍ട്രല്‍ ജയിലില്‍ റിമാന്‍ഡ് ചെയ്ത പ്രതിയെ തൂങ്ങിമരിച്ച നിലയില്‍ കണ്ടെത്തി. കഴിഞ്ഞ ദിവസം രാവിലെയാണ് സംഭവം. പോത്തന്‍കോട് സ്വദേശി ബിജുവാണ് മരിച്ചത്. 47 വയസ്സായിരുന്നു. രാവിലെ 5.45ന് വാര്‍ഡന്‍ പരിശോധനയ്ക്കായി വന്നപ്പോഴാണ് സെല്ലിലെ ഗ്രില്‍ വാതിലിനു മുകളില്‍ കഴുത്തില്‍ കുരുക്കിട്ട നിലയില്‍ ബിജുവിനെ കണ്ടെത്തിയത്. ഉടനെ ആശുപത്രിയിലെത്തിച്ചെങ്കലും ജീവന്‍ രക്ഷിക്കാനായില്ല.
ആറ്റിങ്ങള്‍ സബ് ജയിലില്‍ റിമാന്‍ഡിലിരിക്കെ പകര്‍ച്ചവ്യാധി വന്നതിനെ തുടര്‍ന്നാണ് ബിജുവിനെ കഴിഞ്ഞ വര്‍ഷം നവംബര്‍ 24ന് പൂജപ്പുര സെന്‍ട്രല്‍ ജയിലിലേക്ക് മാറ്റിയത്. മൃതദേഹം മെഡിക്കല്‍ കോളേജ് ആശുപത്രിയില്‍ സൂക്ഷിച്ചിരിക്കുകയാണ്.