പാര്‍ലമെന്റ് മാര്‍ച്ചിനിടെ പൊലീസ് കസ്റ്റഡിയിലെടുത്ത ഗുസ്തി താരങ്ങളുടെ വ്യജ ചിത്രം പ്രചരിപ്പിച്ച് സംഘപരിവാര്‍ സെല്‍. പൊലീസ് വാഹനത്തില്‍ കൊണ്ടുപോകുന്നതിനിടെ സംഗീത ഫോഗട്ടും ചിരിക്കുന്ന ചിത്രമാണ് സംഘ്പരിവാര്‍ അനുകൂലികള്‍ സോഷ്യല്‍ മീഡിയയില്‍ പ്രചരിപ്പിച്ചത്. എന്നാല്‍ പൊലീസ് വാഹനത്തില്‍ നിന്നുള്ള യഥാര്‍ഥ ചിത്രം ഗുസ്തി താരം ബജ്‌റംഗ് പുനിയ പങ്കുവെച്ചു. വ്യാജപ്രചാരണം നടത്തുന്നവര്‍ക്കെതിരെ പരാതി നല്‍കുമെന്നും ബജ്‌റംഗ് പുനിയ പറഞ്ഞു.
ആ സമരം തമാശയാണെന്നും ചിരിക്കുന്നത് കണ്ടില്ലേയെന്നുമുള്ള കമന്റിനൊപ്പമാണ് സംഘപരിവാര്‍ ഐടി സെല്ലുകള്‍ ചിത്രം പ്രചരിപ്പിച്ചത്. യഥാര്‍ഥ ഫോട്ടോ പങ്കുവെച്ച് ബജ്‌റംഗ് പുനിയ ട്വീറ്റ് ചെയ്തത് ‘ഐടി സെല്ലുകാര്‍ വ്യാജ ചിത്രം പ്രചരിപ്പിക്കുകയാണ്. ഈ വ്യാജ ചിത്രം പോസ്റ്റ് ചെയ്തവര്‍ക്കെതിരെ പരാതി നല്‍കുമെന്ന് ഞങ്ങള്‍ വ്യക്തമാക്കുന്നു.
ലൈംഗിക പീഡന പരാതിയില്‍ ഗുസ്തി ഫെഡറേഷന്‍ അധ്യക്ഷന്‍ ബ്രിജ് ഭൂഷണെതിരെ നടപടി ആവശ്യപ്പെട്ട് പാര്‍ലമെന്റിലേക്ക് മാര്‍ച്ച് നടത്തിയ ഗുസ്തിതാരങ്ങള്‍ക്കെതിരെ പൊലീസ് ബലപ്രയോഗം നടത്തിയിരുന്നു.
പുതിയ പാര്‍ലമെന്റിന് മുന്നില്‍ വനിതാ മഹാപഞ്ചായത്ത് ലക്ഷ്യമിട്ടായിരുന്നു മാര്‍ച്ച്. സാക്ഷി മാലിക്, വിനേഷ് ഫോഗട്ട് ഉള്‍പ്പെടെയുള്ള താരങ്ങളെ പൊലീസ് ബലം പ്രയോഗിച്ചും വലിച്ചിഴച്ചുമാണ് കസ്റ്റഡിയിലെടുത്തത്.