ഇരുചക്ര വാഹനങ്ങളില്‍ സഞ്ചരിച്ച് പ്രായമായ വീട്ടമ്മമാരുടെ ആഭരണങ്ങള്‍ പിടിച്ചുപറിക്കുന്ന സംഘം ഇടക്കാലത്തിനു ശേഷം വീണ്ടും രംഘത്തിറങ്ങി. കഴിഞ്ഞ 24 മണക്കൂറിനുള്ളില്‍ ബേഡകത്തും ബേക്കലിലുമായി രണ്ട് പിടിച്ചുപറിക്കേസുകളാണ് റിപ്പോര്‍ട്ട് ചെയ്തത്.
ആയുര്‍വേദ മരുന്ന് കടയില്‍ കയറി സ്‌കൂട്ടറിലെത്തിയ സംഘം പട്ടാപ്പകല്‍ സ്ത്രീയുടെ കഴുത്തില്‍ നിന്ന് തട്ടിപ്പറിച്ചത് 3 പവന്‍ മാലയാണ്. പടുപ്പിലെ ഫാര്‍ഥന്റെ ഭാര്യ തങ്കമ്മയുടെ സ്വര്‍ണമാലയാണ് പിടിച്ചുപറിച്ചത്. പടുപ്പില്‍ ആയുര്‍വേദ കട നടത്തുകയാണ് തങ്കമ്മ. ഞായറാഴാച വൈകീട്ടാണ് സംഭവം.
ബൈക്കിലെത്തിയ രണ്ടംഗ സംഘം കടയുടെ അകത്തുകയറി ആഭരണം പൊട്ടിച്ച് രക്ഷപ്പെടുകയായിരുന്നു. ആയമ്പാറ മേപ്പാട്ടും പിടിച്ചുപറി നടന്നത് ഇന്നലെ ഉച്ചക്കാണ്. വീട്ടമ്മയുടെ 2പവന്‍ മാല ബൈക്കിലെത്തിയ പ്രതി പിടിച്ചു വലിച്ച് കടന്നുകളഞ്ഞത്.
തനിച്ചു പോകുന്ന വീട്ടമ്മമാരാണ് പലപ്പോഴും കവര്‍ച്ചക്കിരയാവുന്നത്. വഴി ചോദ്യക്കാനെന്ന് പറഞ്ഞ് ബൈക്ക് നിര്‍ത്തി ആഭരണം പൊട്ടിച്ച് സംഘം രക്ഷപ്പെടുകയാണ് പതിവ്.