വിനോദയാത്രക്ക് പോയ വിദ്യാര്‍ഥികളോട് മോശമായി പെരുമാറിയ സ്‌കൂള്‍ ക്ലര്‍ക്കിന് സസ്‌പെന്‍ഷന്‍. ചളവറ ഹയര്‍ സെക്കന്ററി സ്‌കൂളിലെ ക്ലര്‍ക്കും മുന്‍ പഞ്ചായത്ത് പ്രസിഡന്റുമായ എ പി സത്യപാലനെയാണ് സ്‌കൂള്‍ മാനേജ്‌മെന്റ് സസ്‌പെന്‍ഡ് ചെയ്തത്. വിനോദയാത്രയ്ക്കിടെ മദ്യപിച്ചെത്തിയ സത്യപാലന്‍ വിദ്യാര്‍ഥികളോട് മോശമായി പെരുമാറുകയായിരുന്നു.
സത്യപാലനെതിരെ നിയമ നടപടി സ്വീകരിക്കണമെന്ന് ആവശ്യപ്പെട്ട് സ്‌കൂള്‍ മാനേജ്‌മെന്റ് പൊലീസില്‍ പരാതി നല്‍കിയിട്ടുണ്ട്. സംഭവത്തില്‍ വിദ്യാര്‍ഥികള്‍ സ്‌കൂള്‍ അധികൃതര്‍ക്ക് പരാതി നല്‍കിയിരുന്നുവെങ്കിലും നടപടി ഉണ്ടായിരുന്നില്ല.
നാട്ടുകാരും രക്ഷിതാക്കളും ചേര്‍ന്ന് സ്‌കൂളിലേക്ക് പ്രതിഷേധ മാര്‍ച്ച് നടത്തിയതിനെ തുടര്‍ന്നാണ് സത്യപാലിനെതിരെ നടപടി എടുത്തത്. വിദ്യാര്‍ഥികള്‍ നല്‍കിയ പരാതിയില്‍ വേണ്ട രീതിയില്‍ ഇടപെട്ടില്ലെന്ന പരാതിയില്‍ ഹെഡ്മിസ്ട്രസിനെതിരെയും നടപടിയെടുത്തിട്ടുണ്ട്.