സ്‌കൂള്‍ വിദ്യാര്‍ഥിനിക്ക് നിരന്തരമായി അശ്ലീല സന്ദേശങ്ങള്‍ അയച്ച കേസില്‍ പ്രിന്‍സിപ്പല്‍ പോക്‌സോ കേസില്‍ അറസ്റ്റിലായി. മടപ്പള്ളി ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂള്‍ പ്രിന്‍സിപ്പല്‍ ഓര്‍ക്കാട്ടേരി കണ്ടോത്ത് താഴെകുനി ബാലകൃഷ്ണ (53)നെയാണ് പൊലീസ് അറസ്റ്റ് ചെയ്തത്.
പ്ലസ്ടുവിന് പഠിക്കുന്ന വിദ്യാര്‍ഥിനിക്ക് നിരന്തരം അശ്ലീല സന്ദേഷങ്ങള്‍ അയച്ചതിനെ തുടര്‍ന്ന് വിദ്യാര്‍ഥിനിയുടെ പരാതിയിലാണ് പൊലീസ് നടപടി. സംഭവം വിവാദമായതിനെ തുടര്‍ന്ന് വിദ്യാര്‍ഥികള്‍ സ്‌കൂളിന് പുറത്ത് സംഘടിച്ച് പ്രതിഷേധം നടത്തിയതോടെയാണ് ചോമ്പാല പൊലീസ് സ്‌കൂളിലെത്തി പ്രിന്‍സിപ്പലിനെ കസ്റ്റഡിയിലെടുത്തത്.