അനശ്വരഗായകന്‍ മുഹമ്മദ് റഫിയുടെ 98-ാം പിറന്നാള്‍ ദിനം ഇന്ന്. ഗായകന്റെ ഗാനങ്ങളെ പതിവായി പിന്തുടരുകയും ആസ്വദിക്കുകയും ചെയ്യുന്ന വലിയൊരു തലമുറ ഇന്നുമുണ്ട്. റഫിയുടെ അനുപമമായ സ്വരമാധുരിയില്‍ അലിഞ്ഞു ചേര്‍ന്ന ആസ്വാദക വൃന്ദത്തിന് കണക്കില്ല.
തൃശൂര്‍ പഴയന്നൂര്‍ സ്വദേശി അഹമ്മദ് കുട്ടിക്ക് റഫി ഒപ്പിട്ടയച്ച ഫോട്ടോയും കത്തും
തിരക്കിനിടയിലും ആരാധകര്‍ക്ക് കത്തുകള്‍ക്ക് മറുപടി നല്‍കിയിരുന്ന എളിമയുടെ നിറകുടം കൂടിയായിരുന്നു റഫി. ആ ഗായക മനുഷ്യന്റെ മറുപടി കത്തിനായി കാത്തിരുന്നവര്‍ ഏറെയാണ്. മറുപടി എഴുതാന്‍ ബാക്കിവെച്ച കടലാസ് ഒരു പക്ഷേ ഇന്നും അദേഹത്തിന്റെ കൈപ്പടയും കാത്തിരിക്കുന്നുണ്ടാകും.