ഡല്‍ഹി: കുട്ടികള്‍ക്ക് നേരെയുള്ള ലൈംഗിക അതിക്രമം അറിയിക്കാതിരിക്കുന്നത് കുറ്റകൃത്യമെന്ന് സുപ്രീംകോടതി. അറിയിക്കാതിരിക്കുന്നത് കുറ്റവാളികളെ സഹായിക്കലാണെന്നും കോടതി നിരീക്ഷിച്ചു. ജസ്റ്റിസ് അജയ് റസ്‌തോഗി അധ്യക്ഷനായ ബെഞ്ചിന്റേതാണ് ഉത്തരവ്.
രാജുരയിലെ സ്‌കൂളില്‍ വിദ്യാര്‍ഥിനിക്കും ഹോസ്റ്റലില്‍ താമസിക്കുന്ന ആദിവാസി പെണ്‍കുട്ടിക്കുമെതിരെ ലൈംഗികാതിക്രമം നടത്തിയെന്ന പരാതിയിലാണ് കോടതിയുടെ നിരീക്ഷണം. അതിക്രമത്തിന് ഇരയായവരെ കുറിച്ച് ബന്ധപ്പെട്ടവര്‍ അധികാരികളെ അറിയിച്ചിരുന്നില്ല. ഇതും കേസില്‍ പരാമര്‍ശിച്ചിരുന്നു. ബോംബെ ഹൈക്കോടതിയുടെ വിധി റദ്ദാക്കിയാണ് സുപ്രീംകോടതി ഉത്തരവ് പുറപ്പെടുവിച്ചത്.