മലപ്പുറം: തദ്ദേശ ദിനത്തിൽ മലപ്പുറം ജില്ലയിലെ കൂട്ടിലങ്ങാടി ഗവ:യു.പി.സ്കൂൾ വിദ്യാർത്ഥികൾ കൂട്ടിലങ്ങാടി ഗ്രാമ പഞ്ചായത്ത് ഓഫീസ് സന്ദർശിച്ചു.
സ്കൂൾ സാമൂഹ്യ ശാസ്ത്ര ക്ലബിൻ്റെ നേതൃത്വത്തിലാണ് പടിഞ്ഞാറ്റുമുറിയിലുള്ള പഞ്ചായത്ത് ഓഫീസിൽ സന്ദർശനം നടത്തിയത്.
പഞ്ചായത്തംഗങ്ങൾ ചേർന്ന് വിദ്യാർത്ഥികളെ മധുരം നൽകി സ്വീകരിച്ചു. പഞ്ചായത്തിലെ വിവിധ സെക്ഷനുകൾ, അനുബന്ധ സ്ഥാപനങ്ങളായ കൃഷിഭവൻ, മൃഗാശുപത്രി, ആയുർവേദ ആശുപത്രി, ഐ.സി.ഡി.എസ്, വി.ഇ.ഒ, തൊഴിലുറപ്പ് പദ്ധതി ,പൊതുമരാമത്ത് വിഭാഗം, കുടുംബശ്രീ തുടങ്ങിയ ഓഫീസുകൾ സന്ദർശിച്ചു.
പ്രാദേശിക സർക്കാറുകളുടെ പ്രവർത്തനം, പഞ്ചായത്ത് ഭരണസംവിധാനം പൊതുജനങ്ങൾക്ക് ലഭിക്കുന്ന വിവിധ സേവനങ്ങൾ തുടങ്ങിയവയെക്കുറിച്ച് പഞ്ചായത്ത് സ്ഥിരം സമിതി അധ്യക്ഷരായ കെ.പി.സൈഫുദ്ദീൻ, വി.കെ.ജലാൽ, അംഗങ്ങളായ എ.അബ്ദുൽ മാജിദ്, സി.കെ.നാസർ, എ.അയ്യപ്പൻ മാനു, കെ.പി.ഹംസ, പി.മുസ്തഫ, അസിസ്റ്റൻറ് സെക്രട്ടറി മുരളി ,അസിസ്റ്റൻ്റ് എഞ്ചിനീയർ എസ്.ജിതേഷ്, സി.ഡി.എസ് അധ്യക്ഷ എം.രസ് ന, ഹെഡ് ക്ലർക്ക് സുർജിത് എന്നിവരുമായി
വിദ്യാർത്ഥികൾ സംവദിച്ചു.
പ്രധാനാധ്യാപകൻ വി.അബ്ദുൽ അസീസ്, എസ്.എം.സി.ചെയർമാൻ റഊഫ് കൂട്ടിലങ്ങാടി, അധ്യാപകരായകെ.മുഹമ്മദ് ബഷീർ, പി.അനീഷ, കെ.വി.സവിത,ശ്രീജ .ഷീന, ഗീതു എന്നിവർ നേതൃത്വം നൽകി.