india vs newzland – Chandrika Daily

കിവീസിനെ എറിഞ്ഞിട്ട് ഇന്ത്യ; 4-1 ഏകദിന പരമ്പര

chandrika — Sun, 03 Feb 2019 11:06:03 +0000

വെല്ലിങ്ടണ്‍: ബൗളര്‍മാരുടെ മികവില്‍ ന്യൂസീലന്‍ഡിനെതിരായ അഞ്ചാം ഏകദിനത്തില്‍ ഇന്ത്യയ്ക്ക് ജയം. അവസാന ഏകദിനത്തില്‍ 35 റണ്‍സിന്് കീവീസിനെ പരാജയപ്പെടുത്തിയ ഇന്ത്യ ഇതോടെ 4-1ന് ഏകദിന പരമ്പരയും സ്വന്തമാക്കി.

ഇന്ത്യയുയര്‍ത്തിയ 253 റണ്‍സ് വിജയലക്ഷ്യം പിന്തുടര്‍ന്ന കിവികളുടെ പോരാട്ടം 44.1 ഓവറില്‍ 217 റണ്‍സില്‍ അവസാനിച്ചു. മൂന്ന് വിക്കറ്റ് നേടിയ ചാഹലും രണ്ടുപേരെ വീതം പുറത്താക്കിയ ഷമിയും പാണ്ഡ്യയുമാണ് കിവികളെ എറിഞ്ഞിട്ടത്. റായുഡു കളിയിലെയും ഷമി പരമ്പരയിലെയും താരമായി.

ടോസ് നേടി ആദ്യം ബാറ്റ് ചെയ്ത ഇന്ത്യ 49.5 ഓവറില്‍ 252 റണ്‍സില്‍ പുറത്തായിരുന്നു. മുന്‍നിര കൂപ്പുകുത്തിയപ്പോള്‍ മധ്യനിരയാണ് ഇന്ത്യയെ രക്ഷിച്ചത്. റായുഡു സെഞ്ചുറിക്കരികെ(90) പുറത്തായപ്പോള്‍ ശങ്കറും(45) അവസാന ഓവറുകളില്‍ തകര്‍ത്തടിച്ച പാണ്ഡ്യയും(45) ആണ് ഇന്ത്യയെ ഭേദപ്പെട്ട സ്‌കോറിലെത്തിച്ചത്. അഞ്ചാം വിക്കറ്റില്‍ റായുഡു- ശങ്കര്‍ സഖ്യം 98 റണ്‍സെടുത്തു. കിവീസിനായി ഹെന്റി നാലും ബോള്‍ട്ട് മൂന്നും വിക്കറ്റ് വീഴ്ത്തി.

മറുപടി ബാറ്റിംഗിന് ഇറങ്ങിയ കിവികളുടെ തുടക്കം തന്നെ തകര്‍ച്ചയോടെയായിരുന്നു. 38 റണ്‍സ് കൂട്ടിച്ചേര്‍ക്കുന്നതിനിടെ മൂന്ന് പേര്‍ കൂടാരം കയറി. കീവീസിനായി ക്യാപ്റ്റന്‍ കെയ്ന്‍ വില്ല്യംസണ്‍ (39), ടോം ലാഥം (37), ജെയിംസ് നീഷാം (44) എന്നിവര്‍ മാത്രമാണ് ഭേദപ്പെട്ട പ്രകടനം പുറത്തെടുത്തത്.

കോലിയുടെ 200-ാം ഏകദിനത്തില്‍ ഇന്ത്യക്ക് ആറ് വിക്കറ്റ് തോല്‍വി

chandrika — Sun, 22 Oct 2017 19:08:25 +0000

മുംബൈ: വിരാത് കോലിയുടെ 200-ാം ഏകദിനത്തില്‍ ഇന്ത്യക്ക് ആറ് വിക്കറ്റ് തോല്‍വി. ന്യൂസിലാന്‍ഡിനെതിരായ ഏകദിന പരമ്പരയിലെ ആദ്യ മല്‍സരത്തിലാണ് അപ്രതിക്ഷിതമായി ഇന്ത്യന്‍ സൂപ്പര്‍ സംഘം ആറ് വിക്കറ്റിന് തോറ്റത്. ആദ്യം ബാറ്റ് ചെയ്ത ഇന്ത്യ കോലിയുടെ (121) സെഞ്ച്വറി മികവില്‍ എട്ട് വിക്കറ്റിന് 280 റണ്‍സ് നേടിയിരുന്നു. എന്നാല്‍ ഒരു ഓവര്‍ ബാക്കി നില്‍ക്കെ പുറത്താവാതെ സെഞ്ച്വറി നേടിയ ലതാമിന്റെയും 95 ല്‍ പുറത്തായ റോസ് ടെയ്‌ലറിന്റെയും മികവില്‍ കിവീസ് മല്‍സരം സ്വന്തമാക്കി. ഇന്ത്യന്‍ നിരയില്‍ കോലി മാത്രമാണ് മിന്നിയത്. 200-ാം മത്സരം കളിക്കുന്ന ക്യാപ്ടന്‍ വിരാട് കോഹ്‌ലിയുടെ ബൗളിംഗിലും പ്രകടനം ശരാശരി മാത്രമായിരുന്നു.

#TeamIndia 280/8 in 50 overs (V Kohli 121) #INDvNZ #Virat200 pic.twitter.com/Kn0i8Wy6q1

— BCCI (@BCCI) October 22, 2017

വാംഖഡെയിലെ റണ്ണൊഴുക്ക് പ്രതീക്ഷിക്കപ്പെട്ട പിച്ചില്‍ ടോസ് നേടിയ കോഹ്‌ലി ബാറ്റിങ് തെരഞ്ഞെടുക്കുകയായിരുന്നു. എന്നാല്‍, കിവികള്‍ അച്ചടക്കത്തോടെ പന്തെറിഞ്ഞപ്പോള്‍ ഇന്ത്യക്ക് ബാറ്റിങ് അത്ര എളുപ്പമായിരുന്നില്ല.

ആറ് ഓവറിനിടെ ഓപണര്‍മാരായ ശിഖര്‍ ധവാനെയും (9) രോഹിത് ശര്‍മയെയും (20) നഷ്ടമായ ഇന്ത്യയെ തകര്‍ച്ചയില്‍ നിന്ന് കരകയറ്റിയത് കോഹ്‌ലിയുടെ അവസരോചിത ഇന്നിങ്‌സ് ആണ്. കേദാര്‍ ജാദവ് (12) കൂടി മടങ്ങിയപ്പോള്‍ മൂന്നിന് 71 എന്ന നിലയിലായ ഇന്ത്യയെ ദിനേഷ് കാര്‍ത്തിക്കിനൊപ്പം 73 റണ്‍സിന്റെ കൂട്ടുകെട്ടുണ്ടാക്കിയാണ് കോഹ്ലി കരകയറ്റിയത്. പിന്നീട് എം.എസ് ധോണിക്കൊപ്പം (25) 57 റണ്‍സിന്റെ പാര്‍ട്ണര്‍ ഷിപ്പിലും കോഹ്ലി പങ്കാളിയായി. ഹാര്‍ദിക് പാണ്ഡ്യക്ക് (16) തിളങ്ങാനായില്ല.

വിശാഖപട്ടണം ഏകദിനം: ന്യൂസിലാന്‍ഡിന് 270 റണ്‍സ് വിജയലക്ഷ്യം

chandrika — Sat, 29 Oct 2016 07:56:00 +0000

വിശാഖപട്ടണം: പരമ്പര വിജയികളെ നിര്‍ണയിക്കുന്ന അഞ്ചാമത്തെ ഏകദിനത്തില്‍ ന്യൂസിലാന്‍ഡിന് 270 റണ്‍സ് വിജയലക്ഷ്യം. ഇന്ത്യ 50 ഓവറില്‍ ആറു വിക്കറ്റ് നഷ്ടത്തിലാണ് 269 റണ്‍സെടുത്തത്. ടോസ് നേടിയ ഇന്ത്യ ബാറ്റിങ് തെരഞ്ഞെടുക്കുകയായിരുന്നു. രോഹിത് ശര്‍മ്മയാണ്(70) ഇന്ത്യയുടെ ടോപ് സ്‌കോറര്‍. വിരാട് കോഹ്ലി(65) എം.എസ് ധോണി(41) എന്നിവരും തിളങ്ങി. ടീം സ്‌കോര്‍ 40ല്‍ നില്‍ക്കെയാണ് ഇന്ത്യയുടെ ആദ്യ വിക്കറ്റ് നഷ്ടമായത്. 20 റണ്‍സെടുത്ത രഹാനയെ നീഷം മടക്കുകയായിരുന്നു. രണ്ടാം വിക്കറ്റില്‍ കോഹ്ലിയും രോഹിതും ടീമിനെ പതിയെ കരകയറ്റി. രോഹിത് താളം കണ്ടെത്തിയതോടെ റണ്‍സൊഴുകി.

മൂന്ന് സിക്‌സറും അഞ്ച് ബൗണ്ടറിയും ഉള്‍പ്പെടുന്നതായിരുന്നു രോഹിതിന്റ ഇന്നിങ്‌സ്. എന്നാല്‍ രോഹിത് പുറത്തായതോടെ ഇന്നിങ്‌സിന്റെ വേഗത കുറഞ്ഞു. ധോണി ഫോമിലേക്കുയരുന്നതിനിടെ സാന്റ്‌നറുടെ പന്തില്‍ വിക്കറ്റിന് മുന്നില്‍ കുരുങ്ങി. മനീഷ് പാണ്ഡെ വന്നപാടെ പുറത്തായതോടെ ഇന്ത്യ 195ന് നാല് എന്ന നിലയിലെത്തി. അതിനിടെ കോഹ്ലി അര്‍ദ്ധ ശതകം തികച്ചു. എന്നാല്‍ സോധിയെ സിക്‌സര്‍ പറത്താനുള്ള കോഹ്‌ലിയുടെ ശ്രമം പരാജയപ്പെട്ടു. ബൗണ്ടറി ലൈനിനരികില്‍ കോഹ്ലിയെ ഗപ്റ്റില്‍ പിടികൂടി. അവസാന ഓവറുകളില്‍ ന്യൂസിലാന്‍ഡ് പിടിമുറുക്കിയതോടെ മധ്യനിര സ്‌കോര്‍ കണ്ടെത്തുന്നതില്‍ പരാജയപ്പെട്ടു. ന്യൂസിലാന്‍ഡിന്റെ സ്ലോ ബോളുകള്‍ക്ക് മുന്നില്‍ ജാദവും അക്‌സര്‍ പട്ടേലും പരുങ്ങുകയായിരുന്നു. ജാദവ് 39 റണ്‍സും അക്‌സര്‍ 24ഉം റണ്‍സ് നേടി. കിവികള്‍ക്കായി ഇഷ് സോദി, ട്രെന്‍ഡ് ബൗള്‍ട്ട് എന്നിവര്‍ രണ്ടു വിക്കറ്റ് വീതം വീഴ്ത്തി.

റാഞ്ചിയിലെ തോല്‍വി: ധോണിക്കും ചിലത് പറയാനുണ്ട്

Web Desk — Thu, 27 Oct 2016 04:47:23 +0000

റാഞ്ചി: ന്യൂസിലാന്‍ഡിനെതിരായ നാലാം ഏകദിനത്തില്‍ തോറ്റെങ്കിലും ക്യാപ്റ്റന്‍ ധോണി ദു:ഖിതനല്ല. തോല്‍വിയുടെ ഭാരം യുവതാരങ്ങളില്‍ ഏല്‍പ്പിക്കാനും ധോണി തയ്യാറല്ല. വിക്കറ്റ് കീപ്പ് ചെയ്ത് കളിക്കേണ്ട സ്ഥാനത്ത്, വമ്പനടിക്ക് മുതിര്‍ന്നതാണ് യുവതാരങ്ങള്‍ക്ക് തിരിച്ചടിയായയ്. എന്നാല്‍ വമ്പനടിയില്‍ നിന്ന് അവരെ പിന്തിരിപ്പിക്കില്ലെന്ന് ധോണി പറഞ്ഞു. 261 എന്ന താരതമ്മ്യേന ചെറിയ സ്‌കോര്‍ പിന്തുടരുന്നതില്‍ മികച്ച അടിത്തറ ലഭിച്ചിട്ടും മധ്യനിരക്ക് മുതലാക്കാനായിരുന്നില്ല. ഹര്‍ദ്ദിക്ക് പാണ്ഡെ, മനീഷ് പാണ്ഡെ എന്നിവര്‍ വമ്പനടിക്ക് മുതിര്‍ന്നാണ് പുറത്തായത്. കേദാര്‍ ജാദവിന്‌ ഷോട്ട് സെലക്ഷന്‍ പിഴക്കുകയായിരുന്നു. ഇവര്‍ പത്ത് ഓവര്‍ നിന്നിരുന്നെങ്കില്‍ കളിയുടെ ഫലം തന്നെ മാറിയേനെ.

അഞ്ചാം സ്ഥാനത്തും ആറാം സ്ഥാനത്തും ഇറങ്ങിയത് പുതുമുഖങ്ങളാണ്, അവര്‍ കളിയെ മനസിലാക്കി വരുന്നേയുള്ളൂ, 15-20 മാച്ചുകള്‍ കളിച്ചാല്‍ ഷോട്ട് സെലക്ഷനെക്കുറിച്ചൊക്കെ വ്യക്തമായ ധാരണവരുമെന്നും അതുവഴി ടീമിനെ സേവിക്കാനാവുമെന്നും ധോണി പറഞ്ഞു. അതേസമയം ന്യൂസിലാന്‍ഡ് ഇന്നിങ്‌സിന്റെ ആദ്യ പത്ത് ഓവറില്‍ റണ്‍സ് വഴങ്ങിയത് ടീമിനെ ബാധിച്ചുവെന്ന് ധോണി പറഞ്ഞു. എക്‌സ്ട്രയായി 16 റണ്‍സാണ് ബൗളര്‍മാര്‍ വഴങ്ങിയത് ധോണി പറഞ്ഞു. അഞ്ച് മത്സരങ്ങളടങ്ങിയ പരമ്പരയില്‍ ഇരു ടീമുകളും ഒപ്പത്തിനൊപ്പമാണ്. പരമ്പര വിജയിയെ നിര്‍ണയിക്കുന്ന അവസാന ഏകദിനം വിശാഖപ്പട്ടണത്ത് ശനിയാഴ്ച നടക്കും. തോറ്റ ടീമിനെത്തന്നെ അവസാന ഏകദിനത്തില്‍ നിലനിര്‍ത്തുമോ എന്ന് തീരുമാനമായിട്ടില്ല.

dont miss: മാജിക്കല്‍ സ്റ്റമ്പിങ്ങുമായി വീണ്ടും ധോണി!

റാഞ്ചിയില്‍ ന്യൂസിലാന്‍ഡിന് ജയം: പരമ്പരയില്‍ ഒപ്പമെത്തി

chandrika — Wed, 26 Oct 2016 15:54:00 +0000

റാഞ്ചി: നാലാം ഏകദിനത്തില്‍ ന്യൂസിലാന്‍ഡിന് ജയം. 19 റണ്‍സിനാണ് കിവികള്‍ ഇന്ത്യയെ തോല്‍പിച്ചത്. ഇതോടെ അഞ്ച് മത്സരങ്ങളടങ്ങിയ പരമ്പരയില്‍ കിവികള്‍ ഒപ്പമെത്തി(2-2). പരമ്പര വിജയിയെ നിര്‍ണയിക്കുന്ന ഏകദിനം ശനിയാഴ്ച വിശാഖപ്പട്ടത്ത് നടക്കും. ന്യൂസിലാന്‍ഡ് ഉയര്‍ത്തിയ 261 റണ്‍സെന്ന വിജയലക്ഷ്യം പിന്തുടര്‍ന്ന ഇന്ത്യ 48.4 ഓവറില്‍ 241ന് പുറത്താവുകയായിരുന്നു. ന്യൂസിലാന്‍ഡിന് വേണ്ടി ടീം സൗത്തി മൂന്നും ട്രെന്‍ഡ് ബൗള്‍ട്ട്, ജയിംസ് നീഷം എന്നിവര്‍ രണ്ടു വിക്കറ്റ് വീതവും വീഴ്ത്തി. അജിങ്ക്യ രഹാനെ(57) ആണ് ഇന്ത്യയുടെ ടോപ് സ്‌കോറര്‍. വാലറ്റത്ത് പ്രതീക്ഷ നല്‍കിയ അക്‌സര്‍ പട്ടേല്‍(38) റണ്‍സെടുത്തു.

പതിവ് പോലെ രോഹിത് പുറത്ത്;
ചേസിങ്ങിനിറങ്ങിയ ഇന്ത്യക്ക് പതിവ് പോലെ രോഹിത് ശര്‍മ്മയെ(11) നേരത്തെ നഷ്ടമായെങ്കിലും രണ്ടാം വിക്കറ്റില്‍ രഹാനെയും കോഹ്‌ലിയും ടീമിനെ മുന്നോട്ട് നയിച്ചു. ഇരുവരും 79 റണ്‍സിന്റെ കൂട്ടുകെട്ടാണ് പടുത്തുയര്‍ത്തിയത്. എന്നാല്‍ മിന്നും ഫോമിലുള്ള കോഹ്‌ലിയെ ഇഷ് സോദി പുറത്താക്കിയതോടെ ഇന്ത്യയുടെ തകര്‍ച്ച ആരംഭിച്ചു. 45 റണ്‍സെടുത്ത കോഹ്‌ലി വിക്കറ്റ് കിപ്പര്‍ക്ക് ക്യാച്ച് നല്‍കിയാണ് മടങ്ങിയത്.തുടര്‍ന്ന് രഹാന അര്‍ദ്ധ സെഞ്ച്വറി നേടിയെങ്കിലും ജയിം നീഷമിന്റെ പന്തില്‍ വിക്കറ്റിന് മുന്നില്‍ കുരുങ്ങി. 70 പന്തില്‍ ഒരു സിക്‌സിന്റെയും അഞ്ച് ബൗണ്ടറിയുടെയും ബലത്തിലായിരുന്നു രഹാനയുടെ ഇന്നിങ്‌സ്. ഒരോവറിന്റെ ഇടവേളയില്‍ ക്യാപ്റ്റന്‍ ധോണിയുടെ(11) സ്റ്റമ്പ് തെറിപ്പിച്ച് നീഷം നിര്‍ണായക ബ്രേക്ക് ത്രൂ നല്‍കി. മനീഷ് പാണ്ഡെ, കേദാര്‍ ജാദവ് എന്നിവരെ തൊട്ടടുത്ത പന്തുകളില്‍ സൗത്തി മടക്കി. ലാതമിന്റെ മികച്ച ക്യാച്ചിലൂടെയാണ് പാണ്ഡെ മടങ്ങിയത്. വമ്പനടിക്കാരന്‍ ഹര്‍ദ്ദിക്ക് പാണ്ഡെ(9)യെയും ലാതം പിടികൂടി.

എന്നാല്‍ എട്ടാം വിക്കറ്റില്‍ അമിത് മിശ്രയും അക്‌സര്‍ പട്ടേലും പ്രതീക്ഷ നല്‍കിയെങ്കിലും മിശ്ര(14) അബദ്ധത്തില്‍ റണ്‍ഔട്ടാവുകയായിരുന്നു. അക്‌സര്‍ പട്ടേലിനെ ബൗള്‍ട്ട് മടക്കിയതോടെ ഇന്ത്യ പരാജയം അറിഞ്ഞു. നേരത്തെ ടോസ് നേടി ബാറ്റിങ് തെരഞ്ഞടുത്ത ന്യൂസിലാന്‍ഡ് 50 ഓവറില്‍ ഏഴ് വിക്കറ്റ് നഷ്ടത്തിലാണ് 260 റണ്‍സെടുത്തത്. മാര്‍ട്ടിന്‍ ഗപ്റ്റില്‍(72) കെയിന്‍ വില്യംസണ്‍(41) റോസ് ടെയ്ലര്‍(35) എന്നിവരുടെ മികവിലാണ് ന്യൂസിലാന്‍ഡ് പൊരുതാവുന്ന സ്‌കോറിലെത്തിയത്. ഗപ്റ്റിലും ലാതമും ചേര്‍ന്ന് മികച്ച തുടക്കമാണ് കിവികള്‍ക്ക് നല്‍കിയത്. 15ാം ഓവറില്‍ ടീം സ്‌കോര്‍ 96ല്‍ നില്‍ക്കെയാണ് അവര്‍ക്ക് ആദ്യ വിക്കറ്റ് നഷ്ടമായത്. എന്നാല്‍ മധ്യഓവറുകളില്‍ ഇന്നിങ്സിന്റെ വേഗത നഷ്ടമാവുകയായിരുന്നു. അവസാന ഓവറുകളില്‍ തകര്‍ത്തടിക്കാനും ഇന്ത്യന്‍ ബൗളര്‍മാര്‍ അനുവദിച്ചില്ല. ഇന്ത്യക്ക് വേണ്ടി അമിത് മിശ്ര രണ്ടു വിക്കറ്റ് വീഴ്ത്തി.

മാജിക്കല്‍ സ്റ്റമ്പിങ്ങുമായി വീണ്ടും ധോണി!

Web Desk — Wed, 26 Oct 2016 13:31:58 +0000

റാഞ്ചി: സ്റ്റമ്പിങ്ങില്‍ തന്നെ കവച്ചുവെക്കാന്‍ ആരുമില്ലെന്ന് തെളിയക്കുകയാണ് ഇന്ത്യന്‍ ഏകദിന നായകന്‍ മഹേന്ദ്ര സിങ് ധോണി. ന്യൂസിലാന്‍ഡിനെതിരായ നാലാം ഏകദിനത്തിലും ധോണിയുെട മനോഹര സറ്റമ്പില്‍ ഞെട്ടിയിരിക്കുകയാണ് ക്രിക്കറ്റ് ലോകം. റോസ് ടെയ്‌ലറെയാണ് ധോണി പിന്‍സ്റ്റമ്പിങ്ങിലൂടെ പുറത്താക്കിയിരിക്കുന്നത്. മത്സരത്തിന്റെ 45ാം ഓവറിലാണ് ധോണിയുടെ അല്‍ഭുത പുറത്താക്കല്‍. റണ്‍സിനായി ഓടിയ ടെയ്ലര്‍ക്കെതിരെ പന്ത് ഗ്ലൗസില്‍ ലഭിച്ചയുടന്‍ സ്റ്റംമ്പിന് എതിരായി തിരിഞ്ഞുനില്‍ക്കുകയായിരുന്ന ധോണി കൃത്യമായി ലക്ഷ്യത്തില്‍ കൊള്ളിക്കുകയായിരുന്നു. വിക്കറ്റ് കീപ്പറെന്ന നിലയില്‍ ധോണിയുടെ പ്രതിഭ എത്രത്തോളമുണ്ടെന്ന് തെളിക്കുന്നതായിരുന്നു ആ പ്രകടനം. ന്യൂസിലന്‍ഡിന്റെ രണ്ട് ക്യാച്ചും ധോണി കൈപിടിയില്‍ ഒതുക്കിയിരുന്നു.

ആ കാഴ്ച കാണാം.

Watch the Mahi magic on loop #INDvNZ https://t.co/btMoJF0xC3

— BCCI (@BCCI) October 26, 2016

dont miss: എങ്ങനെ വിശേഷിപ്പിക്കണം ധോണിയുടെ ഈ സ്റ്റമ്പിങ്ങിനെ?

എങ്ങനെ വിശേഷിപ്പിക്കണം ധോണിയുടെ ഈ സ്റ്റമ്പിങ്ങിനെ?

Web Desk — Mon, 24 Oct 2016 04:16:28 +0000

മൊഹാലി: വിക്കറ്റിന് പിന്നില്‍ അസാമാന്യ പ്രകടനാണ് ഇന്ത്യന്‍ നായകന്‍ മഹേന്ദ്രസിങ് ധോണിയുടെത്. നിങ്ങള്‍ കണ്ടോളൂ, പക്ഷെ അനുകരിക്കാന്‍ ശ്രമിക്കരുതെന്നായിരുന്നു ധോണിയെ പുകഴ്ത്തി രവിശാസ്ത്രിയുടെ കമന്റ്. കണ്ണഞ്ചിപ്പിക്കുന്ന വേഗതയാണ് ധോണിയുടെ സ്റ്റംമ്പിങ്ങിന്. ലോകകപ്പ് ടി20യില്‍ ബംഗ്ലാദേശിനെതിരെ ധോണിയുടെ അതിവേഗ സ്റ്റമ്പിങ് ചര്‍ച്ചയായിരുന്നു. അത്തരമൊരു സ്റ്റമ്പിങ് ഇന്നലെ മൊഹാലിയില്‍ ന്യൂസിലാന്‍ഡിനെതിരായ മൂന്നാം ഏകദിനത്തിലും നടന്നു. മിശ്രയുടെ പന്തില്‍ കിവീസ് വിക്കറ്റ് കീപ്പര്‍ ലൂക്ക് റോഞ്ചിയായിരുന്നു ഇര. മത്സരത്തില്‍ റോസ് ടെയ്‌ലറെയും ധോണി മടക്കിയിരുന്നു. എല്ലാഫോര്‍മാറ്റില്‍ നിന്നുമായി 150 സ്റ്റമ്പിങ് എന്ന അപൂര്‍വ റെക്കോര്‍ഡും ധോണി സ്വന്തമാക്കിയിരുന്നു.

വീഡിയോ കാണാം

https://twitter.com/beinghridophile/status/790156088154873856

also read: റെക്കോര്‍ഡിട്ട് ധോണി: ഇത് തകര്‍ക്കാന്‍ മറ്റുള്ളവര്‍ക്ക് കാത്തിരിക്കേണ്ടി വരും

കേദാര്‍ ജാദവിനെ വെല്ലുവിളിച്ച് സ്റ്റൈറിസ്: കമന്ററി മതിയാക്കി വേദി വിട്ടു!

Web Desk — Mon, 24 Oct 2016 03:46:02 +0000

മൊഹാലി: ഇന്ത്യക്കെതിരായ മൂന്നാം ഏകദിനത്തില്‍ ന്യൂസിലാന്‍ഡിന്റെ ബാറ്റിങ് തുടരുമ്പോള്‍ കമന്ററി ബോക്‌സില്‍ ഒരുഗ്രന്‍ വെല്ലുവിളി. കിവീസ് മുന്‍ താരം സ്‌കോട്ട് സ്റ്റെയ്‌റിസാണ് ഇതിലെ താരം. പന്തെറിയാന്‍ കേദാര്‍ യാദവിനെ ധോണി വിളിച്ചതോടെയാണ് സ്റ്റൈറിസിന്റെ വെല്ലുവിളി. യാദവ് വിക്കറ്റെടുത്താല്‍ കമന്ററി നിറുത്തി ന്യൂസിലാന്‍ഡിലേക്ക് മടങ്ങുമെന്നായിരുന്നു സ്റ്റൈറിസിന്റെ വീരവാദം. സ്‌റ്റൈറിസ് പറഞ്ഞ് ആദ്യ ഓവറില്‍ യാദവിന് വിക്കറ്റ് ലഭിച്ചില്ലെങ്കിലും അടുത്ത ഓവറില്‍ യാദവ് വിക്കറ്റ് വീഴ്ത്തി. അതും കിവീസ് നായകന്‍ കെയിന്‍ വില്യംസണിന്റെ വിക്കറ്റ്. സ്റ്റൈറിസ്, തന്റേത് തമാശയാണെന്ന് പറയുമെന്നായിരുന്നു എല്ലാവരും വിചാരിച്ചത്, എന്നാല്‍ ജാദവ് വിക്കറ്റെടുത്തതോടെ പറഞ്ഞ വാക്കുപാലിച്ച് കമന്ററി ബോക്‌സില്‍ നിന്ന് സ്റ്റൈറിസ് എഴുന്നേറ്റ് പോയി.

ആ കാഴ്ച കാണാം

#JustForLaughs – @BLACKCAPS three down as @scottbstyris leaves his field of play @Paytm ODI Trophy #IndvNZ pic.twitter.com/zFw5QOGfaV

— BCCI (@BCCI) October 23, 2016

വാലറ്റം പൊരുതി: ന്യൂസിലാന്‍ഡിന് മികച്ച സ്‌കോര്‍

Web Desk — Sun, 23 Oct 2016 11:41:06 +0000

മൊഹാലി: രണ്ടാം ജയത്തിന്റെ ആവേശവുമായി ഇറങ്ങിയ ന്യൂസിലാന്‍ഡിന് മൊഹാലി ഏകദിനത്തില്‍ മികച്ച സ്‌കോര്‍. 199ന് എട്ട് എന്ന നിലയില്‍ തകര്‍ന്നിടത്തുനിന്നാണ് ന്യൂസിലാന്‍ഡ് 285 ലെത്തിയത്. ഇതോടെ ഇന്ത്യയുടെ വിജയലക്ഷ്യം 286 ആയി. 49.4 ഓവറില്‍ എല്ലാവരും പുറത്താവുകയായിരുന്നു. ഒമ്പതാം വിക്കറ്റില്‍ മാറ്റ് ഹെന്റിയും ജയിംസ് നിഷമും ചേര്‍ന്നാണ് ന്യൂസിലാന്‍ഡിനെ കരകയറ്റിയത്. 84 റണ്‍സിന്റെ കൂട്ടുകെട്ടാണ് ഇവര്‍ വാലറ്റത്തു കൂട്ടിച്ചേര്‍ത്തത്. ജയിംസ് നിഷം 57 റണ്‍സ് നേടി. ഹെന്റി 39 റണ്‍സ് നേടി പുറത്താകാതെ നിന്നു. ഇന്ത്യക്ക് വേണ്ടി കേദാര്‍ യാദവും ഉമേഷ് യാദവും മൂന്ന് വിക്കറ്റ് വീതം വീഴ്ത്തി. ഭുംറ, മിശ്ര എന്നിവര്‍ രണ്ടു വിക്കറ്റ് വീതം പങ്കിട്ടു.

ടോം ലാതം 61 ആണ് കിവികളുടെ ടോപ് സ്‌കോറര്‍. റോസ് ടെയ്‌ലര്‍ 44, മാര്‍ട്ടിന്‍ ഗപ്റ്റില്‍ 27, ക്യാപ്റ്റന്‍ കെയിന്‍ വില്യംസണ്‍ 22 എന്നിവരാണ് മറ്റു സ്‌കോറര്‍മാര്‍. ടോസ് നേടിയ ഇന്ത്യ ഇക്കുറിയും ന്യൂസിലാന്‍ഡിനെ ബാറ്റിങ്ങിനയക്കുകയായിരുന്നു. പതിവില്‍ നിന്ന് വിപരീതമായിമ ന്യൂസിലാന്‍ഡിന് മികച്ച തുടക്കമാണ് ലഭിച്ചത്. ആദ്യ വിക്കറ്റ് നഷ്ടമായത് ടീം സ്‌കോര്‍ 46 റണ്‍സില്‍ നില്‍ക്കെയാണ്. രണ്ടാം വിക്കറ്റില്‍ വില്യംസണും ലാതമും ചേര്‍ന്ന് കരകയറ്റുന്നതിനിടെ വില്യംസണെ യാദവ് മടക്കി. മൂന്നാം വിക്കറ്റില്‍ റോസ് ടെയ്‌ലറും ലാതമും ടീമിനെ കരകയറ്റി. ധോണിയുടെ മികച്ച സ്റ്റംമ്പിങ്ങില്‍ ടെയ്‌ലര്‍ മടങ്ങി. പിന്നീട് വന്നവര്‍ പെട്ടെന്ന് മടങ്ങിയെങ്കിലും നീഷമും ഹെന്റിയും ടീമിനെ സുരക്ഷിത സ്ഥാനത്തെത്തിച്ചു.

ഇന്ത്യ തോറ്റത് ഈ തകര്‍പ്പന്‍ ക്യാച്ചില്‍.. ധോണി പുറത്തായത് ഇങ്ങനെ

Web Desk — Fri, 21 Oct 2016 15:16:33 +0000

രണ്ടാം ഏകദിനത്തില്‍ ഇന്ത്യ തോല്‍വി ഉറപ്പിച്ചത് ക്യാപ്റ്റന്‍ ധോണിയുടെ പുറത്താവലിലാണ്. 39 ഓവറില്‍ 5 വിക്കറ്റിന് 172 റണ്‍സെന്ന ശക്തമായ നിലയിലായിരുന്നു അപ്പോള്‍ ഇന്ത്യ.

ക്രീസില്‍ നങ്കൂരമിട്ട് ക്യാപ്റ്റനും ചില തകര്‍പ്പനടികള്‍ നടത്തിയ അക്ഷര്‍ പട്ടേലുമായിരുന്നു ക്രീസില്‍ . ഇനി വേണ്ടത് 60 പന്തില്‍ 70 റണ്‍സ്. ജയവും റണ്‍സും തമ്മിലുള്ള അകലം കണക്കുകൂട്ടി ബാറ്റ് ചെയ്ത ക്യാപ്റ്റന് പക്ഷെ, ടിം സൗത്തിയുടെ ആ ഓവറില്‍ കണക്കുകൂട്ടലുകള്‍ തെറ്റി.

Don’t Miss: ഇന്ത്യക്ക് ക്രിക്കറ്റിലെ നാണക്കേടിന്റെ റെക്കോര്‍ഡ്‌

40 ഓവറിലെ മൂന്നാം പന്തിലാണ് ധോണി വീണത്. സ്ലോബോളില്‍ ക്രീസിലേക്ക് മുട്ടിയിട്ട മഹിക്ക് പിഴച്ചു. പന്ത് പ്രതീക്ഷിച്ചതിലധികം പൊന്തി ബൗള്‍ ചെയ്ത് മുന്നോട്ടാഞ്ഞ സൗത്തിയുടെ കൈകളിലേക്ക്. നിലത്ത് തട്ടിയെന്ന് തോന്നിച്ച നിമിഷം പന്ത് സൗത്തിയുടെ കൈകളില്‍ സുരക്ഷിതം. ന്യൂസിലാന്റിന് ഈ പരമ്പരയിലെ ആദ്യ ജയം അതോടെ ഉറപ്പായി.

എന്നാല്‍, അപ്രതീക്ഷിതമായി ഹര്‍ദിക് പാണ്ഡ്യയും ഉമേഷ് യാദവും ന്യൂസിലാന്റ് ജയം വൈകിപ്പിച്ചു. അവസാന ഓവറിലാണ് കിവീസിന് ജയിക്കാനായത്.

ധോണി പുറത്തായ ആ ക്യാച്ച് കാണാം..

https://www.chandrikadaily.com/wp-content/uploads/2016/10/WhatsApp-Video-2016-10-21-at-8.05.04-PM.mp4