പാലക്കാട്: ട്രാക്കിലേക്ക് ഓടിക്കയറിയ പോത്തിനെ ഇടിച്ച് ട്രെയിന്‍ പാളം തെറ്റി. നിലമ്പൂര്‍ -പാലക്കാട് പാസഞ്ചര്‍ ട്രെയിനിന്റെ എന്‍ജിന്‍ ചക്രങ്ങള്‍ തെന്നിമാറുകയായിരുന്നു.
പാലക്കാട് വല്ലപ്പുഴയിലാണ് സംഭവം. വന്‍ അപകടമാണ് ഒഴിവായത്. സംഭവത്തില്‍ പാളത്തിന് കേടുപാടുണ്ടായി. ആര്‍.പി.എഫും പട്ടാമ്പി പൊലീസും സ്ഥലത്തെത്തി.
യാത്രക്കാര്‍ക്ക് കെ.എസ്.ആര്‍.ടി.സി ഉള്‍പ്പെടെ തുടര്‍യാത്രക്ക് സംവിധാനമൊരുക്കി. രണ്ടു ട്രെയിനുകള്‍ റദ്ദാക്കി. ഇന്നലെ രാത്രി പത്തോടെ പ്രശ്‌നം പരിഹരിച്ച് ഗതാഗതം പുനഃസ്ഥാപിച്ചു