മഹാരാഷ്ട്രയില്‍ ആണ്‍ സുഹൃത്തിനെ വിവസ്ത്രനാക്കി മരത്തില്‍ കെട്ടിയിട്ട ശേഷം പെണ്‍കുട്ടിയെ കൂട്ട ബലാത്സംഗം ചെയ്തു. സംഭവത്തില്‍ മുംബൈ വിരാറിലെ 22,25 വയസ്സുള്ള രണ്ടുപേരെ പൊലീസ് അറസ്റ്റ് ചെയ്തു.
പാല്‍ഗര്‍ ജില്ലയില്‍ ബുധനാഴ്ചയാണ് സംഭവം. ആണ്‍ സുഹൃത്തിനൊപ്പം നടക്കുന്നത് കണ്ട പെണ്‍കുട്ടിയെ യുവാക്കള്‍ കാണുകയും ഇരുവരെയും ഭീഷണിപ്പെടുത്തുകയും ചെയ്തു. തര്‍ക്കം രൂക്ഷമായതോടെ വക്കേറ്റവും കയ്യാങ്കളിയും നടന്നു. ശേഷം യുവാവിനെ മര്‍ദ്ദിച്ച് വിവസ്ത്രനാക്കി മരത്തില്‍ കെട്ടിയിടുകയായിരുന്നു. തുടര്‍ന്ന് പെണ്‍കുട്ടിയെ ഒറ്റപ്പെട്ട സ്ഥലത്തേക്ക് വലിച്ചിഴച്ചു കൊണ്ടു പോയി ബലാത്സംഗം ചെയ്തു.
പെണ്‍കുട്ടി വീട്ടില്‍ എത്തി കാര്യങ്ങള്‍ പറഞ്ഞ ശേഷമാണ് കാര്യം പുറംലോകം അറിയുന്നത്. പൊലീസത്തി മണിക്കൂറുകള്‍ കഴിഞ്ഞ ശേഷമാണ് ആണ്‍കുട്ടിയെ മരത്തില്‍ നിന്നും മോചിപ്പിച്ചത്.