പ്രവര്‍ത്തി ദിനം ആഴ്ചയില്‍ അഞ്ച് ദിവസമാക്കുന്ന കാര്യം ഇന്ത്യന്‍ ബാങ്ക് അസോസിയേഷന്‍ അംഗീകരിച്ചതായി റിപ്പോര്‍ട്ട്. വിഷയം നിലവില്‍ ധനകാര്യമന്ത്രാലയത്തിന്റെ പരിഗണനയിലാണ്.
കഴിഞ്ഞമാസം ചേര്‍ന്ന ഇന്ത്യന്‍ ബാങ്ക് അസോസിയേഷന്‍ യോഗത്തില്‍ യൂണിയനുകള്‍ ശനിയാഴ്ച അവധി വേണമെന്ന ആവശ്യമുന്നയിച്ചിരുന്നു. അസോസിയേഷന്‍ ഇത് അംഗീകരിക്കുകയും ശേഷം ധനകാര്യമന്ത്രാലയത്തിന്റെ പരിഗണനക്ക് വിടുകയും ചെയ്തു.
ധനകാര്യമന്ത്രാലയത്തിന്റെ അംഗീകാരം കൂടി ലഭിച്ചാല്‍ തിങ്കള്‍ മുതല്‍ വെള്ളി വരെ ആയിരിക്കും ഇനി ബാങ്കുകളുടെ പ്രവര്‍ത്തനം.എന്നാല്‍ പ്രവര്‍ത്തിക്കുന്ന ദിവസം സമയം അധികരിപ്പിക്കാനുള്ള ആലോചനകള്‍ നടക്കന്നുണ്ട്.